Joba Memleket basshysynyń tapsyrmasy sheńberinde iske asyp jatqan, úshtildilikti engizý jónindegi aýqymdy baǵdarlamany qoldaý baǵytynda daıyndaldy. Basty maqsat – oqýshylardyń aǵylshyn tilin meńgerý deńgeıin arttyrýǵa jáne qarym-qatynas mashyǵyn jaqsartýǵa kómektesý.
«English for Jastar» qanatqaqty rejimde 2 aı boıy júrgiziledi.
Aǵylshyn tilin oqýdy, tildiń qoldanýshylary men «Jas Otan» jastar qanaty arnaıy iriktegen otandyq mamandar úıretedi. Respýblıkamyzda úshtildilikti damytýǵa nıet bildirgen eriktilerdiń sany 141 adam boldy. Olardyń 75-i joǵary oqý ornynda bilim alyp jatqan stýdentter.
Solardyń biri – Abaı Myrzahmetov atyndaǵy Kókshetaý ýnıversıtetiniń 4-kýrs stýdenti Mıras О́zbekov. Ol tildi úıretý jumysyn «Zelenyı bor» aýylynda júzege asyrmaq.
– Meniń maqsatym – aýyldyq mektepterdegi balalardy aǵylshyn tiline oqytý. Sonymen birge men ózimniń bilim deńgeıimdi arttyra túsýdi de jalǵastyramyn. Bul men úshin tıimdi tájirıbe bolatyn shyǵar degen oıdamyn, – deıdi ol.
Aǵylshyn tilin oqytý boıynsha fakýltatıvtik kýrstar taǵy bir partııalyq joba sheńberinde barlyq elimiz boıynsha ashylǵan, 20 kovorkıng-ortalyqta, sonymen birge Qazaqstannyń 64 mektebinde uıymdastyryldy.
– Fakýltatıvterde oqýshylar mektepke qaraǵanda anaǵurlym tereń bilim alatyn bolady. Sonymen birge taıaý ýaqytta balalardyń shet elden kelgen til qoldanýshylarymen aralasýǵa múmkindigi bolady, – dep atap ótti partııa hatshysy Tamara Dúısenova.
«English for Jastar» jobasy júzege asyp jatqan barlyq aýdandarǵa qajetti oqý quraldary jetkizildi. Osyǵan oraı 172 Elementary men Pre-Intermediate oksfordtyq qural jıyntyǵy bólindi. Ár jıyntyqta oqýshylarǵa arnalǵan Student`s Book, tapsyrmany jasaýǵa arnalǵan Workbook, sonymen birge aǵylshyn tilindegi fılmderdiń DVD-dıskileri bar.
