Bıylǵy jyly oblys ortalyǵynyń birqatar kóshelerinde jaıaý júrginshiler men kólik júretin joldar jańartylyp, kúrdeli jóńdeýden ótti. Sondaı-aq ortalyq park alańynyń tas tósenishteri tolyqtaı jańartylǵan bolatyn. Jańa úlgidegi jumystar kezinde qyzyl jáne sary tústi kirpishter oıý-órnek túrinde aıshyqtalǵan. Búginde bul jumystar aıaqtalyp ta qalǵan edi. Biraq olaı emes eken.
Jumysshylar joldaǵy jańa tas tósenishterdiń keı bólikterin qaıtadan alyp, «Astana Led Servıs» fırmasynan jetkizilgen jaryqdıodty shyny tekshelermen almastyrýda. Fırma qyzmetkerleriniń aıtýynsha, bundaı tapsyrma negizgi jumys kezeńinde emes, jaqynda ǵana berilgen. Alaıda qolǵa alynǵan is bir-eki kúnniń ishinde aıaqtalmaq. Búginde jeti birdeı jolaqqa arnaıy kabel tartylýda. Nátıjesinde alýan tústi jaryq beretin jol qalanyń ajaryn asha túspek.
Aıta ketken jón, jumystar úshin memlekettik bıýdjetten aqsha jumsalmaıdy. Bul - astanalyq merdigerdiń qostanaılyqtarǵa tartýy bolǵaly tur.
Janbolat KENJEǴUL
«Egemen Qazaqstan»
