- Alekseı, birinshi dástúrli suraǵymyz – maýsym aıaqtalýǵa taıaý. О́zińiz úshin qalaı baǵalaısyz?
- Bıyl sporttyq oqıǵaǵa qanyq jyl boldy: Azııa oıyndary, fýtboldan álem chempıonaty. Bul jóninde jankúıerlerge qyzyǵa qaraısyń. Osyndaı aıtýly sharalardyń arqasynda ýaqyt jyldam óte shyqqan sııaqty. Al men úshin jyl áli aıaqtala qoıǵan joq. Qazir men Italııada álem chempıonatyna daıyndalý ústindemin. Bul jyl men úshin sátti bastaldy. Omandaǵy birinshi jarysymda-aq jeńdim. Odan keıin Qazaqstan chempıonaty, «Aýstrııa týry» jáne bul jerde aıta ketý kerek, negizgi maqsatym Azııa oıyndary bolatyn. Dittegenime qol jetkizdim. Indonezııada eki altyn medal aldyq. Aldyda áli álem chempıonaty, árdaıym úlken jaýapkershilikpen qaraıtyn "Almaty týry" bar. Sosyn aqyrǵy jarys. Qazir «Astananyń» basshylyǵymen «Túrkııa týry» men «Qytaı týryna» daıyndalyp jatyrmyz.
- «Almaty týry» Siz úshin nesimen baǵaly? Siz nege munda umtylasyz? Jarystyń qıyndyǵy nede? Azııanyń basty kásibı jarysy ataǵyn alý úshin ne jetpeıdi dep oılaısyz?
- «Almaty týry» - altynshy ret uıymdastyrylyp jatqan Qazaqstandaǵy alǵashqy kásibı velojarys. Úıdegi jarystarǵa men erekshe sezimmen qaraımyn. Birinshiden, men komanda dırektorlary jarysty meniń kúntizbeme kirgizgenine qýanyshtymyn. Munda mende árqashan úlken maqsattar bar.
Jarys taýly-qyratymen, ásem Almatyda ótip jatqandyǵymen kúshti. Eger bul joly aýa-raıy ábden qolaıly bolsa, álem onyń kórikti peızajdarymen súısinedi. Men kóptegen sheteldik shabandozdarmen aralasyp turamyn. Bes jyl ishinde kelgenderdiń barlyǵy «Almaty týry» qaı jaǵynan alyp qarama unaıtynyn aıtady. Qıyndyǵy, uıymdastyrý jaǵy, jankúıerler jaǵy bolsyn...
Qıyndyǵy jaǵynan ońaı emes. Ásirese, máre syzyǵyndaǵy Medeýge deıingi ekinshi kezeń. Onda shynymen baryńdy salýyń kerek.
Ne jetpeıdi deısiz be? Juldyzdy quramdy shaqyrý kerek. Bıyl álem chempıonatyna daıyndyq júrip jatqandyqtan kóptegen top sportshylar «Almaty týryn» jiberetin shyǵar. Bir jaǵynan men endi ǵana kúsh alyp kele jatqan jarystyń birden maýsym reıtıngisiniń kúntizbesinen oıyp turyp oryn alý ońaı sharýa emes ekendigin bilem. Alaıda ol úshin barlyq tıisti jumystar jasalyp jatyr degen estýim bar. Jalpy, qazaqstandyq retinde men Almaty týry jarysynyń mártebesiniń joǵary deńgeıde bolýy úshin múmkindiginshe aıtýly kásibı komandalardyń kelgenderin qalaımyn. Jarysty eki kúndik emes, kóp kúndik jeti kún etip jasasa myqty bolar ma edi.
