Memleket basshysynyń Joldaýynda aıqyndalǵan basymdyqtardyń biri turmystyq qatty qaldyqtardy zamanǵa saı kádege jaratý jáne qaıta óńdeý arqyly Qazaqstannyń resýrsttyq potensıal odan ári damytý bolyp tabylady, munda jergilikti atqarýshy organdar bıznesti tartý arqyly qajet jaǵdaıdy jasaıdy.
Qazaqstannyń «jasyl» ekonomıkaǵa» kóshý jónindegi Tujyrymdamasynda qaldyqtardy qaıta óńdeý úlesin 2030 jylǵa qaraı - 40%-ǵa, 2050 jylǵa – 50%-ǵa deıin jetkizý anyqtalǵan.
Aǵymdaǵy jylǵy 8 aıda shamamen 3,2 mln. tonna turmystyq qatty qaldyq túzildi, onyń ishinde 330 myń tonnaǵa jýyǵy qaıta óńdeldi jáne kádege jaratyldy, bul jalpy túzilgen kólemniń shamamen 10,5%-n quraıdy. 2018 jyly turmystyq qatty qaldyqtardy qaıta óńdeý jáne kádege jaratý úlesin 11%-ǵa deıin jetkizý josparlanyp otyr.
Qazaqstan Respýblıkı Energetıka mınıstrligi Memleket basshysynyń tapsyrmasyn oryndaý úshin múddeli memlekettik organdarmen jáne uıymdarmen kelisilgen Shaǵyn jáne orta bıznes sýbektilerin keńinen tarta otyryp turmystyq qatty qaldyqtardy zamanǵa saı kádege jaratý jáne qaıta óńdeý boıynsha Sharalar kesheni jobasyn ázirledi. Búgingi kúni oblystar, respýblıkalyq mańyzy bar qalalar ákimdikterimen Sharalar keshenderi bekitildi, bul qajet ınfraqurylymdy qurýǵa, odan da sapaly qaıtalama shıkizatty alýǵa, turmystyq qatty qaldyqtardy kádege jaratý jáne qaıta óńdeý naryǵyn damytýǵa, sondaı-aq polıgondarda ornalastyrylatyn qaldyqtar kólemin qysqartýǵa múmkindik beretin bolady.
Sondaı-aq, Mınıstrlik turmystyq qatty qaldyqtardy basqarý júıesin damytý, ınfraqurylymdy damytýdy yntalandyrý, memlekettik qoldaý sharalary boıynsha normalar qarastyrylatyn jańa redaksııadaǵy Qazaqstan Respýblıkasy Ekologııalyq kodeksiniń ázirleý boıynsha jumys júrgizip jatyr.
