Memleket basshysy elorda turǵyndarynyń turmysy úshin qolaıly jaǵdaı jasaýdyń áleýmettik mańyzy joǵary ekenine toqtalyp, qala qurylysynda keshendi ádis qoldanýdyń qajettigin atap ótti.
Nursultan Nazarbaev qala halqyn qoljetimdi áleýmettik nysandarmen, sonyń ishinde bilim berý jáne densaýlyq saqtaý mekemelerimen qamtamasyz etýdiń mańyzdylyǵyn aıtty.
Sonymen qatar, Elbasy shahardy kógaldandyrý, qalada kólik qatynasyn ońtaılandyrýǵa múmkindik beretin avtoturaqtar men jolaıryqtar salý máselelerine nazar aýdardy.
Astana ákimi B.Sultanov Memleket basshysyna elordada áleýmettik, kommersııalyq, ákimshilik jáne turǵyn úı nysandaryn salýdyń josparlary týraly málimdep, qala ınfraqurylymyn damytýdyń perspektıvalary jóninde baıandady. Qala basshylyǵynyń aqparatyna sáıkes, jyl basynan beri elordada 1,7 mıllıon sharshy metr turǵyn úı paıdalanýǵa berilgen jáne jyl sońyna deıin taǵy da 2,3 mıllıon sharshy metr turǵyn úı salý josparlanyp otyr.
