О́kinishke oraı, fýtboldan 5 dúrkin el chempıony -«Ertis» fýtbol komandasy elimizdiń Premer-lıga oıyndarynda bıyl týrnır kestesiniń sońyna túsip qaldy. Birinshi irikteý kezeńinen óte almaı Evropa lıgasymen de qoshtasqany beligli. Bıylǵy maýsym sońyna deıin «Ertisti» alda 8 oıyn kútip tur. Onyń 5-ýi syrt alańda, 3-ýi oblys ortalyǵynda ótedi.
Klýbtyń burynǵy bas bapkeri, bolgarııalyq maman Dımıtar Dımıtrov jaz aıynda Pavlodardaǵy qyzmetine qaıta oraldy. Klýb baspasóz qyzmetiniń habaryna qaraǵanda, endi ol jasalǵan kelisimshart boıynsha aldaǵy eki jarym jyl «Ertis» fýtbol komandasyn jattyqtyrady.
Klýbty 2015-2017 jyldary aralyǵynda jattyqtyrǵan D. Dımıtrovtyń jetekshiligimen barlyǵy jergilikti fýtbolshylar 79 oıyn ótkizip, onyń 35-inde jeńiske jetse, 18 kezdesýdi teń aıaqtaǵan.
Kelesi maýsymda «IRTYSh» ataýy «ERTIS» dep ózgerýi múmkin. Oblys ortalyǵynda qurylǵan saraptaý komıssııasynyń músheleri «ERTIS» dep ózgerýi zaman talaby dese, jankúıerler de klýb ataýyn ózgertý jóninde usynystar jasaǵan. Komıssııa «Ertis» FK emblemasyn jańartýdyń qajeti joq, kópshiliktiń kózi úırengen logotıp tartymdy dep sheshipti.
Múmkin osy rýhanı ózgerister alańda fýtbolshylarǵa, jankúıerlerge jeńis syılar.
Keshe 22 qyrkúıekte «Ertis"komandasy Shymkentte «Ordabasy» komandasyn 0-2 upaımen jeńdi. Biraq, ázirge 23 upaımen tómengi orynda tur. "Ordabasy" 5-shi orynǵa túsip qaldy.
Farıda BYQAI,
«Egemen Qazaqstan»
Pavlodar
