О́zbek halqynyń tili, mádenıeti jáne salt-dástúri kúnine arnalǵan «Túrkistan-túrki halyqtarynyń rýhanı ortalyǵy» atty merekelik shara Túrkistan qalasyndaǵy Esim han alańynda ótti.
Túrkistan oblysy Qazaqstan halqy Assambleıasy men oblystyq ózbek etnomádenı birlestigi uıymdastyrǵan merekelik is-sharaǵa Parlament depýtattary, О́zbekstan Respýblıkasynan arnaıy kelgen delegasııa ókilderi, etnomádenı birlestikterdiń músheleri qatysty. Merekelik shara qonaqtardyń Qoja Ahmet Iаsaýı kesenesine zııarat etýimen bastalyp, ózbek etnomádenı birlestiginiń qolóner buıymdary, ulttyq taǵamdary jáne aqyn-jazýshylardyń tańdaýly týyndylarynyń kórmesin tamashalaýmen jalǵasty.
Oblys ákimi Janseıit Túımebaev kópshilik aldynda sóılegen sózinde eldegi yntymaq pen birlikti nyǵaıtýdyń, tatýlyq pen turaqtylyqty saqtaýdyń mańyzyna toqtaldy. «Memleket basshysy Nursultan Ábishuly Nazarbaev: «Birlik, yntymaq, sabyrlylyq pen parasattylyq, eń aldymen, ózimizge kerek. Birligimiz bolsa, biz bir-birimizdi syılaımyz. Buǵan deıin osylaı bolǵan, budan keıin de solaı bolýǵa tıis» degen bolatyn. Birliktiń qadirin bilý, ony tereńinen túısiný, baıypty baǵamdaý sizder men bizderge júktelip otyrǵan aýqymdy mindet ekenin uǵynýǵa mindettimiz», - dedi oblys ákimi.
Jıynda el birligin nyǵaıtýǵa qazaqstandyq patrıotızmdi damytýǵa qosqan eleýli úlesi úshin birqatar azamattar Qazaqstan ózbekteri qoǵamdyq birlestikteriniń «Dostyq» qaýymdastyǵynyń «Qoǵam belsendisi» tósbelgisimen marapattaldy.
Merekelik shara otandyq jáne ózbekstandyq estrada juldyzdarynyń qatysýymen gala-konsertke ulasty.
Ǵalymjan ELShIBAI,
«Egemen Qazaqstan»
Túrkistan oblysy
