24 Qyrkúıek, 2018

Grýzııa prezıdenttigine úmitkerler anyqtaldy

453 ret
kórsetildi
1 mın
oqý úshin

Grýzııada prezıdenttikke úmitkerlerdi tirkeý prosesi aıaqtaldy. 28 qazanda ótetin saılaýǵa qatysýǵa nıet bildirgen 46 úmitkerden 25-i resmı túrde tirkeldi. Bul jóninde jeksenbi kúni brıfıngte Ortalyq saılaý komıssııasynyń baspasóz-spıkeri Anna Mıkeladze málimdedi.

Grýzııa prezıdenttigine úmitkerler anyqtaldy

Alexander Imedashvili

25 úmitkerdiń 19-y saıası partııalar, 6-ýy bastamashy toptardyń atynan qatysýda. Saılaýǵa qatysýǵa ruqsat alý úshin ár úmitker kem degende 25 923 saılaýshynyń qolyn jınaýy tıis. «Zańnamaǵa sáıkes, prezıdenttikke tirkelgen úmitker saılaýǵa 12 kún qalǵanshe (16 qazandy qosqa alǵanda) OSK-ǵa jazbasha ótinish berip, óz kandıdatýrasyn alyp tastaı alady. Atalǵan merzim aıaqtalǵan soń barlyq úmitkerler saılaý bıýlletenderine engiziletin bolady», - dedi Mıkeladze. OSK-ǵa tirkelý úshin barlyǵy 46 sýbekt ótinish bildirgen: 26-y bastamashy toptardan, 20-y saıası partııalardan. Al ártúrli quqyqtyq negizder sebebinen 21 úmitkerdi tirkemeýge týra kelgen.