Erler arasyndaǵy 90 kılo salmaqtaǵy Islam Bozbaev (90 kılo) vengrııalyq Krıstıan Totpen aıqasty. 2014 jyly Chelıabıskidegi álem chempıonaty men 2016 jyly Qazandaǵy Eýropa birinshiliginiń kúmis medalin ıelengen balýanǵa qurlyqtyq deńgeıdegi dodalarda júlde alyp júrgen qandasymyzdyń áli jetpedi. Negizgi jáne qosymsha ýaqytta ekeýi de bir-birininiń osal tusyn taba alǵan joq. Desek te Islamǵa úshinshi márte eskertý jasaǵan tóreshi ony jarys jolynan shyǵaryp tastady.
Áıelder arasynda 70 kılo salmaqta beldesken Aelıta Sherbakova men Ajar Salyqovanyń ekeýi de Ispanııadan kelgen dzıýdoshylarmen sheberlik baıqasty. Alaıda jerlesterimizdiń joly bolmady. Aelıta Marııa Bernabeýge utylsa, Ajar Sara Rodrıgeske ese jiberdi.
Sonymen, búgin qazaqstandyq balýandar úshin jarys aıaqtaldy. Erteń 100 kılo salmaq dárejesinde Vıktor Demıanenko baq synaıdy. Onyń alǵashqy aınalymdaǵy qarsylasy – BAÁ-niń ókili Ivan Remarenko. 78 keli salmaqta kúresetin Zarına Raıfova Gvıneıa sportshysy Mamadama Sıýllamen saıysqa túsedi.
Ǵalym SÚLEIMEN,
«Egemen Qazaqstan»
