Aqtaýlyq fýtbolshylar stadıon jaramsyzdyǵynan 3 maýsym boıy Shymkent stadıondarynyń birin óz alańyna aınaldyryp keldi. Basty sebep «Jas qanat» stadıonynyń QFF-nyń talabynan ótpeýi. Sebebi mundaǵy 5 jylǵa jaramdy jasandy alań 12 jyl boıy aýyspady jáne alań ólshemi de talapqa saı kelmedi. 12 jyl boıy aýystyrylmaǵan jasyl alań bıyl tolyqtaı jańardy. ÝEFA talaptaryna saı jasaqtalǵan stadıonnyń alańymen qosa, qaqpalar, tablo men oryndyqtar da jańarǵan.
Jańarǵan stadıondaǵy alǵashqy oıyn Qazaqstan birinshi lıgasynyń 28-shi týry aıasynda «Kaspıı» men almatylyq «Qaırat A» arasynda ótti. Jergilikti oıynshylarǵa qoldaý bildirýge oblys basshysy Eraly Toǵjanov ta keldi. Úsh jyldyq úzilisten keıin óz stadıondaryna oralǵan oıynshylardyń qadamyna sáttilik tilep, fýtbol jankúıerlerin merekemen quttyqtady.
Sondaı-aq stadıondy qalpyna keltirýge demeýshilk etken káspkerlerge de alǵys aıtyp, arnaıy dıplom tapsyrdy. Al «Kaspıı» klýbyna jankúıerler atynan avtobýs kiltin tabystady.
