Eki aýyldyń turǵyndarymen ótken basqosýda memlekettik qyzmet kórsetý, memlekettik qyzmet salasy, memlekettik qyzmetshilerdiń ádeptiligi jáne sybaılas jemqorlyq profılaktıkasy máseleleri sóz boldy. Shara kezinde Tólep aýylynda Beıneý aýdanynyń áleýmettik-ekonomıkalyq damýyna qosqan úlesi úshin birqatar aýyl turǵyny «Beıneý aýdanyna 45 jyl» tósbelgisimen marapattaldy. Al Sarǵa aýylynda saltanatty túrde aýyldyń burynǵy ákimi Aıbergen Izbasarovqa tósbelgini qoǵam jáne memleket qaıratkeri Qaırolla Erejepov tabystady.
Aýyl turǵyndary da qarap qalmady, ózderiniń pikirin ashyq bildirdi. Máselen, "Janqara" sharýa qojalyǵynyń jetekshisi, zeınetker Orynbasar Qııanov, óziniń sharýa qojalyǵyn odan ári damytqysy keletin aıtty. Alaıda bul rette kedergi de joq emes, qoljetimdi nesıe ala almaı álek eken. Sondyqtan da, múmkindiginshe qoldaý kórsetilse degen ótinishin aıtyp ótti. Al sybaılas jemqorlyqtyń aldyn-alý baǵytynda qolǵa alynyp jatqan aýqymdy sharalardan habardarmyz jáne kóńilimiz tolady dedi.
Aýyldyń taǵy bir turǵyny, Beıneý mektep-ınternatynyń áleýmettik pedagogy Aıjaqsy Jetpisova, aýylda sybaılas jemqorlyq derekteriniń buryn bolmaǵanyn jáne buǵan deıin oblys ortalyǵynan Ádep jónindegi keńes músheleriniń kelmegendigin aıtyp ótti. Aldaǵy ýaqytta mundaı kezdesýler turaqty túrdi ótkizilip tursa degen tilegin de jetkizdi.
Turǵyndar tarapynan qoıylǵan suraqtar jaýapsyz qalmaıdy. Departament basshysy Nurgúl Jannazarova, Ádep jónindegi keńes músheleri Qaırolla Erejepov jáne Ánýarbek Bımaǵambet barlyq suraqtarǵa ýaqtyly tushymdy jaýap beremiz dep sendirdi.
QR Memlekettik qyzmet isteri jáne sybaılas
jemqorlyqqa qarsy is-qımyl agenttiginiń
Mańǵystaý oblysy boıynsha departamentiniń
baspasóz qyzmeti
