Kezdesý barysynda Qytaı Halyq Respýblıkasynan (2014-2018 jj.) Tájikstan Respýblıkasyna (2018-2020 jj.) AО́SShK tóraǵalyǵyn tapsyrý rásimi ótti. Habıbolla Mırzoev Hatshylyqtyń jańa Atqarýshy dırektory bolyp taǵaıyndaldy. Onyń kandıdatýrasyn barlyq AО́SShK-ge múshe 27 memleket biraýyzdan qoldady.
Qazaqstan Respýblıkasynyń Syrtqy ister mınıstri Qaırat Ábdirahmanov Qytaı Halyq Respýblıkasyna jáne AО́SShK úderisiniń damýyna qosqan úlesi úshin mıssııasyn aıaqtaǵan Atqarýshy dırektor Gýn Szıanveıge alǵysyn bildirdi. Ol qytaı tóraǵalyǵy kezinde Azııadaǵy turaqty qaýipsizdik pen yntymaqtastyqty qamtamasyz etýge baǵyttalǵan Keńesti damytýdyń jańa jáne mańyzdy kezeńi bastalǵanyn eske saldy. AО́SShK Jastar jáne iskerlik keńesteri quryldy, AО́SShK-niń qaýipsizdik tujyrymdamasyn keńinen talqylaý jáne taratýǵa arnalǵan jańa arna bolǵan Úkimettik emes forým óz qyzmetin bastady. SIM basshysy Qytaıdyń tóraǵalyǵy kezinde Keńestiń quramyna 27-shi múshe-memleket retinde Shrı-Lanka Demokratııalyq Sosıalıstik Respýblıkasynyń kirýi arqyly (2018 jylǵy 20 maýsym) AО́SShK-ti keńeıtý máselesine arnaıy toqtap ótti.
Mınıstr kezdesýge qatysýshylardyń Prezıdent Nursultan Nazarbaevtyń Keńestiń negizinde Azııadaǵy qaýipsizdik jáne damý uıymyn qurý týraly bastamasyna erekshe nazar aýdardy jáne bul máseleni saraptamalyq deńgeıde ári qaraı talqylaýǵa shaqyrdy.
AО́SShK 1992 jyly 5 qazanda Qazaqstan Respýblıkasynyń Prezıdenti N. Nazarbaevtyń bastamasymen quryldy. AО́SShK Azııadaǵy qaýipsizdik máseleleri boıynsha konsensýs negizinde dıalog, keńes berý, sheshim qabyldaý jáne sharalardy júzege asyrý úshin memleketaralyq forým bolyp tabylady. Qazirgi ýaqytta Azııadaǵy 27 memleket AО́SShK múshesi, al 8 el jáne 5 uıym baqylaýshy bolyp tabylady.
