Mártók aýdanynda óz jumysyn bastaǵan «Zárý» pantamen emdeý shıpajaıyna qazirdiń ózinde taıaý shet elderden kelip em alýshylar bar. Atalǵan jobanyń iske asyrylýy turǵyndardyń densaýlyǵyn jaqsartýǵa ishki jáne syrtqy týrızmniń damýyna oń áserin tıgizedi dep kútilýde. Shıpajaı Shyǵys Qazaqstan oblysynan ákelingen 150-den asa maraldyń múıizimen emdeý shıkizatymen qamtamasyz etilgen. Fermada barlyǵy 30 adam jańa jumys ornymen qamtylǵan. Jobanyń jalpy quny 450 mıllıon teńgeni quraıdy. Sondaı-aq Aqtóbe qalasynda respýblıkanyń batys óńirinde eshqandaı balamasy joq akvapark ashyldy. Sonymen birge oblys ortalyǵynda aldaǵy 2019 jyly iske qosylatyn eki iri ınvestısııalyq joba júzege asyrylýda. Bul «IBIS» halyqaralyq brendimen 2,8 mıllıard teńge somasynda belgilengen qonaqúı kesheni jáne 4,5 mıllıard teńge turatyn «Bekturova JQ» qonaqúı kesheni bolyp otyr.
Týrıstik navıgasııanyń kóp tildi júıesiniń ornyǵa bastaǵany týrıstik ınfraqurylymnyń mańyzdy quramdas bóligi bolyp tabylady. Áıtse de oblysta úsh tilde jol belgileri men aqparattyq stendter áli jasaqtala qoımaǵanyn da ashyq aıtqan jón. Osyǵan oraı bıylǵy jyly «Qazavtojolmen» oblystyq kásipkerlik basqarmasy birlese otyryp, halyqaralyq standartqa saı jetekshi týrıstik nysandarǵa 24 jol belgilerin jáne úsh tilde aqparattyq stendter ornatý isin qolǵa alǵan.
– Biz týrızm salasynda qyzmetkerlerdi oqytýǵa jáne biliktiligin arttyrýǵa erekshe kóńil bólemiz. О́tken jyly 20 ekskýrsovodqa aılyq oqytý kýrsy ótkizildi. Qatysýshylar baǵyttar men ekskýrsııalardy ázirleý boıynsha negizgi bilim men daǵdylardy úırendi. Ári Aqtóbe qalasynda jáne aýdandarda ekskýrsııa júrgizý boıynsha tájirıbeden ótti. Daıarlanǵan ekskýrsovodtar ótken jyly «Aqtóbe – qutty meken», «Aqtóbe ınvest-2017» ınvestısııalyq forýmyna jáne taǵy basqa da ekskýrsııalar júrgizýge tartyldy, – dedi Aqtóbe oblystyq kásipkerlik basqarmasynyń basshysy Anar Darjanova.
Oblystyq týrıstik keshenniń mańyzdyń quraýshysynyń biri týrıstik ónimdi syrtqy jáne ishki baǵyttarda ilgeriletý jáne nasıhattaý bolyp tabylady. Osyǵan oraı óńirde birqatar jobalar men is-sharalardy iske asyrý kózdelgen. Oblystyń týrıstik portalyna ıntegrasııalanǵan týrıstik aqparattyq tuǵyr-termınal Aqtóbe qalasynyń áýejaıyna ornatyldy. Atalǵan týrıstik-aqparattyq tuǵyr týrısterge barlyq qajetti aqparattardy jetkize alady. Onyń ishinde marshrýttar aımaqtyń kórikti jerleri, ornalasý oryndary tamaqtaný jáne oıyn-saýyq nysandary, týrıstik kompanııalar bar. Árbir kórermenge vırtýaldy nusqada nysandarmen tanysý jáne qatysý áserin beretin oblystyń kıeli geografııasynyń nysandaryna 3D týrlary jasaqtaldy. Bul www.visitaktobe.kz saıtynyń týrıstik portalymen biriktirilgen. Oblystyń kreatıvti jastaryn qyzyqty beıne rolıkter túsirý joly arqyly týrıstik nysandarǵa degen qyzyǵýshylyǵyn arttyrýǵa múmkindik beretin óńirdiń turǵyndary arasynda «Týrızmniń eń kreatıvti promo rolıgi» beıne baıqaýyn ótkizý belgilendi. Atalǵan baıqaý aıaqtalǵannan keıin eń úzdik beıne rolık áleýmettik jelilerde ornalastyrylady. Búgingi kúnderi qatysýshylardan tıisti ótinim qabyldaý isi júrgizilýde.
Aqtóbe qalasy boıynsha ekskýrsııalyq avtobýstarda balalardyń tanym-kókjıegin damytý maqsatynda týǵan ólkeniń tarıhymen tanystyrý, sonymen birge týrıstik kompanııalardy oblys turǵyndary men qonaqtaryna ekskýrsııalardy aqyly túrde uıymdastyrý úshin tegin týrıstik ekskýrsııalar júrgizilýde. О́ńirde ótken jyldan bastap jergilikti jáne respýblıkalyq mańyzy bar kıeli jerler men kórnekti oryndardyń tizimin jasaý qolǵa alynyp, sol tizim barǵan saıyn tolyqtyrylyp kele jatqany da óńir týrızmi áleýetiniń artýyna septigin tıgizýde. Atap aıtqanda, onyń qatary birinshi kezekte keseneler men memorıaldyq keshender esebinen arta túsýde. Oǵan kelýshilerdiń tirkelý kórsetkishi de kóńilge qonady. Bıylǵy jyldyń alǵashqy jarty jyldyǵynda atalǵan nysandarǵa kelýshilerdiń sany 13 000 adamnan asyp tústi. О́ńirde buǵan deıin jasalǵan taldaýlar men saraptamalar barysy iskerlik týrızmniń úlesi aldyńǵy kezekke shyqqanyn aıǵaqtaıdy. Munyń ózi mártebelik forýmdar men konferensııalar, kórmeler ári ózge de mádenı jáne sporttyq is-sharalar arqasynda júzge asyrylǵan.
Temir QUSAIYN,
«Egemen Qazaqstan»
AQTО́BE
