Foto:hi-news.ru
OriHime-D dep atalatyn mundaı robottar eki modıfıkasııada shyǵarylady. Ekeýi de birinshi kezekte dıstansııalyq kommýnıkasııaǵa baǵyttalǵan. Birinshi modeldiń bıiktigi - 21,5 santımetr, al salmaǵy - 600 gramm. Ol syrqat sebebimen oqý ornyna kele almaıtyn oqýshylardyń mektepke barýy úshin paıdalanylady. Al ekinshi robottyń bıiktigi - 1,2 metr, salmaǵy - 20 kılogramm. Ol sáıkesinshe kúrdeli jumys túrlerin atqara alady. Dese de ekeýiniń de maqsaty bir. Olar múgedek adamdardyń áleýmetten oqshaýlanbaýyna múmkindik beredi. Ory Lab. Inc. robottar ázirleýshi kompanııasynyń mundaı robottardy jasaýdaǵy negizgi ıdeıasy da osy.
«Men múmkindigi shekteýli adamdardyń jumysqa aralasa alatyn keńistigin qurǵym keledi», deıdi Ory Lab. Inc. robottar ázirleýshi kompanııasynyń dırektory Kentaro Ioshıfýdjı.
Ioshıfýdjıdiń aıtýynsha, ol bala kúninde adamdarmen qarym-qatynasta kóp qıyndyq kórgen. Sol sebepti ol áleýmettik oqshaýlanýdyń ne ekenin jaqsy biledi. Sondyqtan óz tájirıbesine súıene otyryp, Vaseda ýnıversıtetinde adamdarǵa áleýmettik baılanystardy retteýde qoldaý kórsetetin robottardy ázirleı bastaǵan.
Ory Lab. Inc. robottaryn sondaı-aq 2020 jylǵy Tokıoda ótetin Olımpıada jáne Paralımpıada oıyndaryna daıyndaý josparlanyp otyr.
