100 kılo salmaqta Vıktor Demıanenkoǵa senim artylǵan edi. Ol óziniń tusaýkeser kezdesýinde Ivan Remarenkomen kúsh synasty. Moldovada týyp-ósip, keıinnen Birikken Arab ámirlikterine qonys aýdarǵan 30 jastaǵy bul balýan buǵan deıin de biraz belesterdi baǵyndyrǵan bolatyn. Atap aıtsaq, ol 2014 jyly Chelıabide ótken álem chempıonaty men 2017 jyly Bakýde alaýy tutanǵan Islam yntymaqtastyǵy oıyndarynda qola júldeger atandy. Osy azýly qarsylasqa jerlesimizdiń áli jetpedi.
78 kılo salmaq dárejesinde Zarına Raıfova boz kilemge shyqty. Alǵashqy aınalymda ol gvıneıalyq Mamadama Sıýllaǵa san soqtyrǵanymen, ile-shala fransııalyq Madeleın Malonǵaǵa ese jiberdi.
Erteń alyptardyń aıqasyn tamashalaımyz. Erler arasyndaǵy +100 keli salmaqta Erasyl Qajybaev tatamıge shyǵady. Ol Chılı sportshysy Fransısko Solıspen tiresedi. Áıelder básekesinde +78 kılo salmaqta qos jerlesimiz jarys kórigin qyzdyrady. Tusaýkeser kezdesýin Qamıla Berliqash ýkraınalyq Elızaveta Kalanınaǵa qarsy ótkizese, Gúljan Isanova Pýrto-Rıko dzıýdoshysy Melıssa Mohıkamen kúresedi.
Ǵalym SÚLEIMEN,
«Egemen Qazaqstan»
