Jıyndy ashqan Gúlshara Ábdiqalyqova Qazaqstan Prezıdenti N.Á.Nazarbaevtyń «Bilim berý tájirıbesinen kreatıvti oılaý daǵdysyn qalyptastyrýǵa kóshý, qajetti aqparatty taba bilý, ony utymdy paıdalaný ǵalamdyq damýdyń mańyzdy megatrendi bolyp sanalady» degen sóziniń mánine toqtaldy. Qarqyndy tehnologııalyq damý jaǵdaıynda mamandar óz kásibin ózgertýge, sondaı-aq bilimderin ómir boıy jańartyp otyrýǵa daıyn bolýy kerek.
– Búginde «Bolashaq» stıpendııasy osyndaı básekege qabiletti mamandardy daıarlaýdyń tabysty platformasyna aınalyp otyr, – dedi Memlekettik hatshy.
2018 jylǵa jalpy sany 555 stıpendııa bólindi.
Komıssııa jumysynyń barysynda «Bolashaq» stıpendııasy taǵaıyndalatyn úmitkerlerdiń tizimi, sondaı-aq baǵdarlamany iske asyrýǵa qatysty birqatar másele qarastyryldy.
Komıssııa sheshimimen 142 úmitkerge stıpendııa taǵaıyndaldy. Olar magıstratýra jáne doktorantýra baǵdarlamalary boıynsha álemdegi jetekshi joǵary oqý oryndaryna, ǵylymı jáne óndiristik ortalyqtarǵa oqýǵa jiberiletin bolady.
Basqosý qorytyndysy boıynsha G.Ábdiqalyqova «Bolashaq» halyqaralyq stıpendııasyn odan ári júzege asyrý jóninde birqatar tapsyrma berdi.
