M.Qozybaev atyndaǵy Soltústik Qazaqstan memlekettik ýnıversıtetine jınalǵan jas ǵalymdar eki eldiń óńiraralyq yntymaqtastyq forýmynyń kún tártibine usynylatyn taqyryptar jaıly oı-pikirler almasyp, qyzyqty, qundy jobalarǵa qoldaý bildirdi.
«Bıyl qarasha aıynda Petropavl qalasynda ótetin Qazaqstan men Reseı arasyndaǵy halyqaralyq forým eki el úshin de asa mańyzdy. О́ıtkeni, shekaralas aımaqtarda ornalasqandyqtan, birlesip sheshetin ortaq máseleler az emes. Kez kelgen memleket úshin týrızm tabys kózi, týrısterdi yntalandyrýshy sala bolyp sanalady», dedi «Qyzyljar-2018» forýmyna qatysýshylar aldynda sóılegen sózinde oblys ákiminiń orynbasary Madııar Qojahmet.
Ýnıversıtet rektory Serik О́mirbaev oqý orny Reseıdiń 83 ýnıversıtetimen seriktestik ornatqanyn, áriptestik aıasynda 237 joba iske asyrylyp jatqanyn atap kórsetti. 500-den astam halyqaralyq kelisim jasalypty.
Alqaly bas qosýǵa qatysqan QR Tuńǵysh Prezıdent qory janyndaǵy ǵylymı keńes tóraǵasynyń orynbasary Suhrab Japparov óz sózinde pikirtalas alańynda kókeıkesti máselelerdiń qozǵalǵanyn, baǵaly uynystardyń aıtylǵanyn jetkizdi. Bizdiń basty maqsatymyz–ozyq jobalarǵa baǵa berý, qoldaý, dedi ol.
Sý jáne ekologııa máseleleri ınstıtýtynyń bas ǵylymı qyzmetkeri Dmıtrıı Chernyh jıynda sý resýrstaryn tıimdi qoldaný jaıyn kóterdi. Onyń oıynsha, Ertis, Oral ózenderiniń salalary Qazaqstan men Reseıdi kókteı ótedi. Bul oraıda, Qytaı elimen birlesken baǵdamalardy júzege asyrýdyń mańyzy zor. О́ıtkeni Ertiske quıatyn ózender osy el aýmaǵynan bastaý alady. Qytaı negizgi sý paıdalanýshy bolǵandyqtan, Reseı men Qazaqstan kóp jaǵdaıda táýeldi.
О́mir ESQALI,
«Egemen Qazaqstan»
Soltústik Qazaqstan oblysy
