Barlyǵy Sh.Aımanov atyndaǵy «Qazaqfılm» kınostýdııasynyń jeti fılmi qatysqan. Úzdikter qatarynan tabylǵan «Asan» fılminen basqa konkýrsqa Venera Qaıyrjanovanyń «Tyǵylmaq», Ádil Musataevtyń «Hat», Alen Rahmetalıevtiń «Sońǵy muǵalimi» kórkem fılmder baǵdarlamasynda, al derekti fılmder baǵdarlamasynda Qaısha Rahymovanyń «Naırı», Kamıla Ábdildınova men Kamıla Berdimuratovanyń «О́ıtkeni súıemin» jáne Evgenıı Lýmpovtyń «Túster úılesimi» qatysqan. Atalǵan fılmderdiń barlyǵy derlik QR Mádenıet jáne sport mınıstrliginiń tapsyrysy boıynsha túsirilgen.
Berik Jahanovtyń «Asan» fılmi ákesiniń jerleýine qatysý úshin jolǵa shyqqan bozbala týraly baıandaıdy. fılmniń bas keıipkerin somdaǵan akter Azat Jumadil «Baıqońyrdyń» prızine laıyq dep tanylǵan. Buǵan deıin atalǵan fılm 71- shi Halyqaralyq Kann kınofestıvaliniń Short Film Corner aıasynda kórsetilgenin esterińizge sala keteıik.
«Men «Qazaqfılm» kınostýdııasyna alǵys aıta otyryp, búkil túsirilim tobyn osy jeńisimizben quttyqtaımyn», - dep qýanyshyn rejısser Berik Jahanov jetkizdi.
Festıval «Qazaqfılmniń» taǵy bir qysqametrli fılmi, Dárejan О́mirbaev túsirgen «Shildeniń» arnaıy kórsetilimimen ashyldy. Kórsetilim fılminiń otyz jyldyq mereıtoıyna oraı ótti. Baikonyr Short Film Festival bas seriktesi - Qazaqstan Respýblıkasynyń Tuńǵysh Prezıdenti Elbasy qory, Kinopark Theatres jáne Kinoplexx Cinemas. III Baikonyr SFF qatysýshylary úsh kategorııa boıynsha baq synasty. Barlyǵy: 27 kórkem kartına, 11 anımasııalyq fılm, 9 derekti týyndy qatysqan.
