Shyńǵyrlaý aýdanynyń 90 jyldyǵyna oraılas kelgen bul jańalyqty jergilikti turǵyndar qýanyshpen qabyldap jatyr. О́ńirlerdi damytýdyń 2020 jylǵa deıingi baǵdarlamasy aıasynda júzege asqan osy isterdiń arqasynda Aqtaý, Shoqtybaı, Amangeldi, Qaraǵash aýyldarynda dárigerlik qyzmet kórsetý sapasy artatyn boldy. Osy tórt nysannyń kúrdeli jóndelýine 61 mln teńgege jýyq bıýdjet qarjysy bólingen.
– Batys Qazaqstan oblystyq densaýlyq saqtaý basqarmasyna 388 medısınalyq nysan qaraıdy. Solardyń 270-i beıimdelgen jańa ǵımarattarda ornalasqan. Endi qalǵan ǵımarattardy da tıisti standartqa sáıkestendirý mindeti tur. Halyqtyń sapaly medısınalyq em alýy úshin atqarylyp jatqan jumys az emes. Máselen, byltyr óńirde 81 nysandy kúrdeli jóndeýden ótkizý úshin jobalyq-smetalyq qujattama jasaýǵa 103 mln teńge bólindi. Onyń ishinde osy aýdandaǵy nysandar da bar edi. Bıyl 593 mln teńge qarjyǵa 21 nysandy kúrdeli jóndeýdi josparlap edik. Qazir 10 ǵımaratta jóndeý aıaqtaldy. Qalǵany da taıaýda tapsyrylady, – deıdi osy oqıǵaǵa arnaıy kelgen Batys Qazaqstan oblystyq densaýlyq saqtaý basqarmasy basshysynyń orynbasary Aızada Shúkirǵalıeva.
Shyńǵyrlaý aýdanynyń ákimi Albert Esalıevtiń sózine qaraǵanda, sońǵy eki jyl ishinde aýdandaǵy medpýnkt, feldsherlik-akýsherlik pýnkt (FAP) syndy alty nysan zaman talabyna saı jóndelgen. Dál qazir Aqshat aýylynda memleket-jekemenshik áriptestiginiń negizinde sý jańa FAP ǵımaraty salynyp jatyr. Ol jańa jyl qarsańynda paıdalanýǵa berilmek.
Qazbek QUTTYMURATULY,
«Egemen Qazaqstan»
Batys Qazaqstan oblysy
