Pavılondy «Made in Kazakhstan» brendimen osylaı usyný formaty eldiń eksporttyq áleýetin tıimdi tanystyrýǵa, tanymaldyǵyn arttyryp, qazaqstandyq ónimdi shetelde ilgeriletýge múmkindik beredi. Osy maqsatta Qazaqstannyń Syrtqy saýda palatasy otandyq óndirýshilerdiń ótkizý naryǵyn keńeıtip, jańa seriktester izdeýine kómektesý úshin osyndaı kórmelerge qatystyrady. Qazaqstandyq ónimdi eksporttaýdyń geografııasyn keńeıtý jáne eksporttyq aǵyndy arttyrý arqyly otandyq óndirýshilerge qoldaý jasalady.
«Búgingi tańda bizdiń kompanııamyz Qazaqstan naryǵynda shaı jáne dámdeýish óndirý boıynsha ozyq tur. Atalǵan kórme jańa dıstrıbıýtorlardy tabý ǵana emes, sonymen birge aǵymdaǵy seriktestermen kezdesý, barlyq josparlardy osy jerde talqylaýǵa múmkindik berdi», - dep atap ótti «Malý» JShS jetekshisi Vasılıı Grıshenko.
Onyń ónimderi osymen ekinshi jyl qatarynan «World food Moscow» kórmesinde «Jyl taýary» marapatyna ıe bolyp otyr. «О́tken jyly biz shaıymyzben «altynǵa» ıe bolǵanbyz, osy jyly dámdeýishterdiń «Magııa vkýsa» jáne «Gýrman» atty qos markasy bizge «kúmis» alyp keldi», - dedi kompanııa dırektory.
Bul reseılik seriktesterdiń qazaqstandyq ónimge qyzyǵýshylyǵy artqanyn bildiredi. Qazaqstandyq taýar óndirýshiler osyndaı kórmelerge qatysý túrli elder delegattarynyń arasyndaǵy ózara tıimdi qatynastardy odan ári damytýǵa jaqsy áserin tıgizetinin aıtyp otyr. О́ıtkeni, Qazaqstannyń Syrtqy saýda palatasy «V2V» formatynda áleýetti satyp alýshylarmen keleshektegi kezdesýlerge jáne iskerlik kelissózderge arnalǵan saýda kelissóz júrgizý aımaqtaryn ázirleıdi. «World Food Moscow 2018» 1500-den astam reseılik jáne álemniń 65 elinen kelgen sheteldik kompanııalar, 17 federaldy jáne aımaqtyq jeliler, azyq-túlik pen sýsyn ımporttaýshylar men iri dıstrıbıýtorlardyń basyn qosty.
