Onyń aıtýy boıynsha óńirlik turaqtandyrý qory - bul oblys aýmaǵynda azyq-túlik qaýipsizdigin qamtamasyz etýmen qatar, agrarlyq azyq-túlik naryǵynyń rettelýine yqpal etý úshin qurylǵan azyq-túlik taýarlarynyń jedel qory.
Jalpy alǵanda, azyq-túlik taýarlarynyń óńirlik turaqtandyrý qoryn qalyptastyrýǵa aǵymdaǵy jyly jergilikti bıýdjetten 309 mln.teńge bólindi. Qordyń operatory "Bazarlardy basqarý" JShS memlekettik-jeke menshik kásiporyn negizindegi «UK ÁKK «Aqtóbe» AQ bolyp tabylady.
«Búgingi kúni turaqtandyrý qorynda 247 tonna qant, 100,5 tonna ósimdik maıy, 27 tonna kúrish, 111 tonna un saqtalýda. Sonymen qatar, 2018-2019 jylǵy maýsymaralyq kezeńde 1 880 tonna kartop pen kókónis satyp alý úshin fıýcherstik kelisimsharttar jasaldy. «Prıgorodnoe» AShF» JShS 500 tonna kartop, 100 tonna sábiz, 200 tonna pııaz, 80 tonna qyryqqabat, al «Aktep» JShS - 1000 tonna kartop jetkizedi», - dep tolyqtyrdy basqarma basshysy.
Aıta keteıik, turaqtandyrý qorynyń ónimderi Aqtóbedegi 10 áleýmettik pavılonda, 2 áleýmettik dúken men 10 shaǵyn-bazarda, sondaı-aq «Tabys» bazarynda satylady.
