Qýantarlyǵy sol, «Dostyq úıinde» ótken sharaǵa ózge ult ókilderi de qatysyp, táp-táýir nátıje kórsetti. Ashyq dıktantty uıymdastyrýdaǵy basty maqsattardyń biri de osy edi. Dıktantty oqý-tekserý jumystaryn jańadan qurylǵan «Resýrstyq til ortalyǵy» mekemesiniń bilikti mamandary atqardy.
Atalǵan mekemeniń ádiskeri Jansaıa Muhametjanova dıktant mátinin oqyp, taqyryppen tanystyrsa, meńgerýshi Jupar Jaqanova qatysýshylardyń saýatty jazýyn tekserip, ashyq dıktantqa qazylyq etti.
«Qoǵamdyq kelisim» mekemesiniń dırektory Erlan Qusaıyn Qazaqstan halqy Assambleıasynyń 2025 jylǵa deıingi damý tujyrymdamasyn júzege asyrý maqsatynda birneshe jyldan beri «Myń bala» respýblıkalyq mádenı-aǵartý jobasynyń uıymdastyrylyp kele jatqanyn atap ótti. Memlekettik tildiń qoldanys aıasyn keńeıtý maqsatynda mundaı sharalardyń kóptep uıymdastyrylyp jatqanyn da tilge tıek etti.
Dıktant jazý isine etnomádenı birlestikterden bólek memlekettik jáne azamattyq qyzmetshiler, stýdentter, mektep oqýshylary, qoǵam qaıratkerleri, sondaı-aq nıet bildirgen turǵyndardyń barlyǵy atsalysty.
Osy kúni ashyq dıktant «Dostyq úıimen» qatar oblysymyzdyń basqa da qalalary men aýdandaryndaǵy kitaphanalarda, oqý oryndary men mektepterde de uıymdastyryldy.
«Qoǵamdyq kelisim» mekemesi aldaǵy ýaqytta latyn álipbıi boıynsha da ashyq dıktant uıymdastyrylatynyn josparlap otyr.
Erbolat QÝATBEK,
«Resýrstyq til ortalyǵy» mekemesiniń ınspektory
QARAǴANDY
