Tilektes Meıramov jetpistiń belesine shyqty

Muhtar Áýezov atyn­daǵy Qazaq memlekettik akade­mııa­lyq drama tea­trynyń sah­nasynda As­ta­nanyń Q.Qýa­­nysh­baev atyndaǵy mem­le­ket­tik akademııalyq Qa­zaq mýzykalyq drama tea­­trynyń ujymy ıtalııalyq dra­matýrg Fýrıo Bordonnyń qazaq tiline «О́tti dáýren» dep aýda­rýǵa kónetin psı­ho­logııa­lyq dramasyn «Qar­daǵy kógershinniń izi» ataýy­men almatylyq tal­ǵa­my bıik kórermender nazaryna usynyldy. Al­maty jurt­shylyǵy premerasyn birinshi bolyp tamashalaıtyn bul qoıy­lym Halyq ártisi Tilektes Meıramovtyń 70 jyldyq mereıtoıynyń qurmetine arnaldy. Spek­takldi qoı­ǵan – qazaq kıno jáne teatr ónerinde óz qol­tań­basy tanylǵan rejısser Tilegen Ahmetov.

Bul qoıylym kórer­mendi tuńǵıyq oıǵa batyrady, bál­kim, keıbir jandy raıynan qaıtarady, ákeler men balalar, urpaq arasyndaǵy baılanys, tektilik taqyrybynyń qazirgi zamanǵy surqaı ári muńly-zarly tarmaǵy bolyp tabylady. Tilektes Meıramov spektaklde shaý tartqan otaǵasyn – Er Adam beınesin somdaıdy. Keıipker ótken ómiriniń elesimen tir­shilik keshedi, jalǵyzdyq kú­ıigi ábden meńdep, ázız jany júdegesin ol baıaǵyda súıegi qýrap qalǵan súı­gen jary­men syrlasyp otyrady. Shaldyń jal­ǵyz uly men kelini, eki nemeresi bar. Ol óz úıinde basy artyq adam bolyp shyqty. Eskirgen múlik sııaqty qoqysqa laqtyryp tastaıtyn. Kári­niń jetimdigi tastandy náresteniń jetim­diginen kem túspesin bul pesa tanytty. Uly týǵan ákesin qarttar úıine ótkizbekshi. О́rkenıettik damýdyń shegine jetken toqmeıil Eýropany burynnan opyndyryp otyr­ǵan bul sumdyq qasiret qa­zirde jarty ǵasyr buryn eldik dástúrine túk syzat tús­pegen qazaq halqyna da je­tip qoıǵan. Sondyqtan sy­nyqtan basqanyń bári juǵady, qulaq estigendi kóz kóredi dep bizdiń qazaq danalyqpen kesirden shoshynyp aıtqan. Jamandyq energııasy ásire juq­paly. Bul qoıylym kórer­me­nin tolǵandyrmaı, tebi­rentpeı qalmaıdy. Bala tárbıesi, tekti urpaq ósi­rý dúnıeniń altyn kilt­i ekenin kimge bolsyn aı­qyn uqtyrady. Úl­kenin syı qurmetpen qadir­leıtin, jaqynyn súıip qasterleıtin halyq eshqa­shan ólmeıdi. Teatr adam ba­lasyna ýaǵyz aıtpaıdy, biraq kókirek, sana-sezimin qozǵaıdy, zalaldan qorǵanýǵa, júrek jylýy­na, meıirimge úndeıdi. «Qardaǵy kógershinniń izi» – sondaı qoıylym.

Aıgúl KEMELBAEVA,

jazýshy, «Daryn» memlekettik jastar syılyǵynyń laýreaty