6-týr oıyndary óte qyzyqty nátıjelermen bastaldy. "Leganespen" syrt alańda kezdesken "Barselona" 1:2 esebimen jeńilip qaldy. Fılıpe Koýtınonyń soqqan goly "Barsany" alǵa jetelep turǵanymen, keıinnen alań ıeleri 2 gol soǵyp, jankúıerlerdi qatty tańqaldyrdy. "Barselonanyń" tegis jerden súringenine qoldaryn ysqylap otyrǵan madrıdtiń aıaqdopshylar ózderi de omaqasty. "Sevılıa" óz alańynda "Realdyń" tas-talqanyn shyǵardy. Esep 3:0.
Osy oıyndardan keıin "Realda" da "Barselonada" da 13 upaıdan. Endi qos alyp komanda 29-qyrkúıek kúni 7-týr aıasynda óz alańdarynda kezdesý ótkizedi. "Barselona" "Atletıkpen" kezdesse, "Real" "Atletıkomen" oınaıdy.
