Ǵarysh aılaǵy qalasyna taıaq tastam jerde otyrsa da osy eki aýyldyń basy aýyryp, baltyry syzdaǵan turǵyndary dárigerlik em alý úshin toqsan shaqyrym jerdegi Qarmaqshy aýdanyna barýǵa tıisti bolatyn. Endi ol kúnder artta qaldy. Baıqońyr qalasyndaǵy ashylǵan emhanaǵa qajetti medısınalyq qural-jabdyqtardy alý úshin 64 mln. teńge bólingen.
Medısınalyq ortalyq qajetti mamandarmen tolyǵymen qamtamasyz etilgen. Oblystyq densaýlyq saqtaý basqarmasy Qazaqstan azamattary, onyń ishinde zeınetkerler, 18 jasqa deıingi balalar jáne Baıqońyr qalasynda turatyn jumyssyz azamattar oblystyq medısınalyq ortalyq fılıalynyń qyzmetin paıdalana alatyndyǵyn aıtady.
Qazirgi tańda, vaksınasııa jasaý, ambýlatorııalyq deńgeıdegi tegin dári-dármektermen qamtý, dıspanserlik naýqastardy dınamıkalyq baqylaý, aldyn-ala tekserýden ótkizý atap aıtsaq, áskerge shaqyrý aldyndaǵy jáne jasqa tolǵanǵa deıingi balalardy medısınalyq tekserýden ótkizý sııaqty birqatar problemalyq máselelerdi sheshý úshin jumys toby quryldy.
Baqtııar TAIJAN,
«Egemen Qazaqstan».
Qyzylorda oblysy.
