Ashylý saltanatyna Qazaqstan Bas prokýrorynyń orynbasary Andreı Lýkın, Ishki ister mınıstriniń orynbasary Rashıd Jaqypov, Syrtqy ister mınıstrliginiń erekshe tapsyrmalar jónindegi elshisi Stanıslav Vasılenko, EQYU-nyń Astanadaǵy ofısiniń basshysy Derd Sabo, burynǵy Arnaıy ókil – EQYU-nyń adam saýdasyna qarsy kúres jónindegi úılestirýshisi Madına Jarbosynova, QR Bas prokýratýrasy janyndaǵy Quqyq qorǵaý organdary akademııasynyń rektory Erǵalı Merzadınov jáne EQYU-nyń 14 múshe-memleketterinen birqatar joǵary deńgeıli sarapshylar qatysty.
Úsh oqytý blogynan turatyn trenıngte 500-den astam adam, sonyń ishinde birqatar elderdiń quqyq qorǵaý organdarynyń qyzmetkerleri, úkimettik emes uıymdardyń, áleýmettik qyzmetterdiń ókilderi, qarjylyq jáne eńbek ınspektorlary, psıhologtar qatysýda.
Atalǵan is-sharanyń ótkizilýi elimizdiń múddeli memlekettik organdarynyń, sonyń ishinde Bas prokýratýrasynyń, Quqyq qorǵaý organdarynyń akademııasynyń, Qazaqstannyń Venadaǵy halyqaralyq uıymdardaǵy Turaqty ókildiginiń, EQYU Hatshylyǵynyń, Arnaıy ókildik keńsesiniń jáne Adam saýdasymen kúres jónindegi EQYU úılestirýshisiniń jemisti jáne tyǵyz jumysynyń nátıjesi boldy.
Trenıng adam saýdasyna qarsy is-qımyl salasynda jańa bilim alýǵa jáne halyqaralyq jáne aımaqtyq deńgeılerde vedomstvoaralyq yntymaqtastyqty keńeıtýge múmkindik beredi. Bul rette, joba adam saýdasyna qarsy turý úshin EQYU aımaǵynda orys tilinde alǵashqy oqý jattyǵýlary boldy.
О́z máninde birinshi sımýlıasııalyq trenıngti uıymdastyrý Qazaqstannyń kóshi-qon marshrýttarynda adam saýdasynan japa shekkenderdi anyqtaý prosessine óz úlesin qosý talpynysyn kórsetýde.
«Táýelsizdiktiń alǵashqy kúnderinen bastap Qazaqstan, demokratııalyq jáne quqyqtyq memleketti qurý jolyna tústi. Munda adam, onyń ómiri, quqyqtary men bostandyǵy joǵary qundylyq retinde tanylyp, memleketpen qorǵalýda. Búgingi tańda respýblıka 13 jańa halyqaralyq konvensııalardyń, qazirgi zamanǵy quldyqtyń zamanaýı formalaryna qarsy is-qımyldarmen tikeleı baılanysty kelisimsharttar men kelisimderdiń qatysýshysy bolyp tabylady. Biz tıisti jaýapkershilikpen olardy iske asyrýǵa, sondaı-aq barlyq qarastyrylǵan mindettemelerdi oryndaýǵa tyrysamyz. Endi Ortalyq Azııada, osy mańyzdy halyqaralyq is-sharany ótkizý adam saýdasyna qarsy is-qımyl salasynda sarapshylardyń quzyrettiligin arttyrýǵa járdemdesetini sózsiz anyq», - dedi S.Vasılenko óz baıandamasynda.
Alǵash ret uqsas trenıng EQYU-men Italııada 2016 jyly aǵylshyn tilinde uıymdastyryldy.
