Shara QR Premer-Mınıstri Baqytjan Saǵyntaevtyń alǵy sózimen bastaldy.
Qurmetti Azevedý myrza! Qurmetti Forýmǵa qatysýshylar!
Sizderdiń barshańyzdy Astanada kórgenime qýanyshtymyn! Azevedý myrza, Sizge búgingi joǵary deńgeıli Forýmǵa qatysyp otyrǵanyńyz úshin, sondaı-aq DSU Hatshylyǵy men ınvestısııalardy qoldaý boıynsha Dostar tobyna múshe elderge osy mańyzdy is-sharany birlesip uıymdastyrǵandary úshin erekshe rızashylyǵymdy bildirgim keledi.
Qazaqstan Úkimeti Dúnıejúzilik saýda uıymynyń ınvestısııalardy qoldaý salasyndaǵy jańa bastamasyn tolyq qoldaıdy. Biz ınvestısııalyq ahýaldy jaqsartýǵa basymdyq beremiz.
Tek sońǵy 10 jyldyń ishinde Qazaqstan ekonomıkasynyń túrli sektorlaryna $250 mlrd jýyq tikeleı sheteldik ınvestısııalar tartyldy.
2017 jyl ishinde tikeleı sheteldik ınvestısııalar aǵymy $21 mlrd jýyq boldy jáne bul kólemniń tórtten bir bóligi óńdeý ónerkásibine baǵyttaldy. Shıkizattyq emes sektorlarǵa barlyq sheteldik ınvestısııalardyń 50% jýyǵy baǵyttaldy. Bıyl da bul oń dınamıka saqtalyp qalyp otyr. 2018 jyldyń jarty jyly ishinde iri ınvestorlarmen 69 jańa jobany iske asyrý boıynsha kelisimderge qol jetkizildi, onyń ishinde Qytaı, Túrkııa, AQSh, Ulybrıtanııa jáne EO elderinen 10 TUK bar.
Qazaqstan ekonomıkasynyń shıkizattyq emes sektorynda qazirdiń ózinde Toyota, Heidelberg Cement, General Electric, Linde, Danone, Thales, Alstom jáne basqalary tárizdi 30-ǵa jýyq transulttyq korporasııalar jumys isteıdi.
Qazaqstan Ortalyq Azııadaǵy ınvestısııalyq ahýal boıynsha birinshi orynǵa ıe jáne Ortalyq Azııa elderiniń ınvestısııalarynyń 70%-dan astamy Qazaqstannyń úlesine tıesili.
Investısııalyq ahýaldy jaqsartý maqsatynda bizdiń memleket júıeli reformalar júrgizip otyr, ınvestorlarmen ashyq dıalog jáne ózara is-qımyl ornatylǵan, sonymen qatar ınvestısııalar tartý úshin ınfraqurylym jetildirilýde.
Tek bir mysal keltireıin. Sońǵy tórt jyl ishinde salyq jáne keden salasy, kásipkerlikti memlekettik qoldaý tárizdi jáne taǵy da basqa baǵyttarda barlyǵy 52 reforma júrgizilgen. Demek, orta eseppen jylyna — 13, al aıyna — bireýden kóp reforma júzege asyrylǵan.
Mysaldardyń biri retinde bıznesti retteýsizdendirý jáne oǵan ákimshilik qysymdardy edáýir tómendetý boıynsha júrgizilgen reformalardy keltirýge bolady.
24 mamyr kúni Qazaqstan Prezıdenti N. Á. Nazarbaev bıznes ahýaldy jaqsartý boıynsha zańnamalyq paketke qol qoıdy, ol 14 kodeks pen 109 zańǵa myńnan astam túzetýler engizýdi qarastyrady. Baqylaý-qadaǵalaý fýnksııalary 30%-ǵa, al ruqsat berý talaptarynyń sany 56%-ǵa qysqartylǵan. Tekserýshi organdardyń myńǵa jýyq shtattyq birligi taratyldy.
Ozyq halyqaralyq standarttarǵa saı keletin jańa salyq jáne kedendik rejımder engizildi. Salyq kodeksinde salyq júktemesi ońtaılandyryldy, jeńildikter pysyqtaldy. Jańa keden kodeksi rásimderiniń ashyqtyǵyn qamtamasyz etedi jáne taýarlardy avtomatty túrde ótkizýge múmkindik beretin elektrondy deklarasııalaýdy engizedi.
Memlekettik-jekeshelik áriptestik salasynda jobalardy josparlaý rásimderi jeńildetilgen jáne nıet bildirgen barlyq ınvestorlar úshin tabysty iske asyrylǵan MJÁ jobalarynyń biryńǵaı bazasy qoljetimdi boldy.
Kóshi-qon jáne eńbek zańnamasy jaqsartyldy, sheteldik jumys kúshin tartý rásimderi jeńildetildi.
2016 jyldan bastap barlyq ınvestorlar úshin «Bir tereze» qaǵıdasy jumys isteıdi, elimizdiń barlyq 17 oblysynda ınvestorlarǵa qyzmet kórsetý boıynsha óńirlik ofıster ashylǵan.
Úkimet pen ınvestorlardyń dıalog alańyn qamtamasyz etý úshin 20 jyl boıy QR Prezıdenti janyndaǵy Sheteldik ınvestorlar keńesi, Premer-Mınıstr janyndaǵy Investısııalyq ahýaldy jaqsartý keńesi jumys isteıdi, ınvestısııalyq jáne bıznes-ombýdsmen ınstıtýttary engizilgen.
Osylaısha, qazirgi kezde elimizdegi jalpy ınvestısııalyq jáne iskerlik ahýal ınstıtýsıonaldyq nyǵaıtyldy. Investorlar paıdalana alatyn jańa múmkindikter men artyqshylyqtar zańnamalyq turǵydan bekitildi.
Qazaqstannyń ekonomıkalyq ıntegrasııasynyń arqasynda, ınvestorlar iri ótkizý naryqtaryna shyǵýda basymdyqtarǵa ıe boldy.
2015 jyly Qazaqstan men EO keńeıtilgen seriktestik týraly kelisimge qol qoıdy, bul kelisim ekonomıkanyń óndiristik sektorlaryna ınvestısııalar tartý úshin qolaıly jáne kemsitpeıtin jaǵdaılar týdyrý úshin negizge aınaldy.
Qazaqstan — Eýrazııalyq ekonomıkalyq odaqtyń (EAEO) múshesi. EAEO-nyń artyqshylyǵy, ol kólemi $4 trln jýyq, 180 mıllıonnan astam adamdy qamtıtyn kedendik shekarasyz biryńǵaı naryq bolyp tabylady.
Reseı, Qytaı jáne Orta Azııa elderimen kórshiles bolýynyń, utymdy geografııalyq ornalasýynyń arqasynda, Qazaqstan jalpy kólemi 1,6 mlrd astam adamdy qamtıtyn, kúnnen-kúnge ósip jatqan naryqqa shyǵýǵa múmkindik beretin qolaıly ortalyq alańǵa aınalyp otyr.
Osy sebepti, Qazaqstannyń Eýrazııalyq ekonomıkalyq odaqqa múshe bolýy álemdik saýda qarym-qatynasyna kirigýge múmkindik beretin tıimdi quraldardyń birine aınaldy. Máselen, 2016 jyldan beri EAEO men Vetnam arasynda erkin saýda aımaǵy týraly kelisim júzege asyrylýda.
Bıylǵy jyldyń mamyr aıynda Qytaımen saýda-ekonomıkalyq yntymaqtastyq týraly kelisimge jáne Iranmen erkin saýda aımaǵy týraly kelisimge qol qoıyldy. Sonymen qatar Egıpet, Izraıl, Serbııa jáne Sıngapýr tárizdi iri eldermen saýda-ekonomıkalyq yntymaqtastyqty arttyrý boıynsha belsendi jumystar atqarylyp jatyr.
Dúnıejúzilik saýda uıymy men EAEO aıasynda Qazaqstan lısenzııalyq rásimdeýdiń jáne qyzmet kórsetý sektoryndaǵy talaptardyń ashyqtyǵyn qamtamasyz etý boıynsha mindettemeler qabyldady. Qazirgi kúni elimizdiń jalpy ishki óniminiń jartysynan astamyn qyzmet kórsetý salasy qamtıdy. Bul rette, Dúnıejúzilik saýda uıymy aıasynda Qazaqstan sheteldik kompanııalarǵa qyzmet kórsetý salasy naryǵyna kirýde kemsitpeıtin jaǵdaılar týdyrýǵa kepil berdi. Ári, elimiz shetel ınvestorlarynyń kólik, qurylys, saýda, energetıka sektory syndy barlyq mańyzdy salalarǵa kelýine qolaıly jaǵdaı jasap otyr.
Osylaısha, Qazaqstan Dúnıejúzilik saýda uıymynyń ınvestısııalardy qoldaý bastamasynyń negizgi qaǵıdalaryn DSU men EAEO aıasyndaǵy halyqaralyq mindettemelerge sáıkes te, Qazaqstandaǵy ınvestısııalyq ahýaldy jaqsartý boıynsha júıeli reformalardy júzege asyrý arqyly ulttyq deńgeıde de, tolyqqandy oryndap otyr.
Osy jaǵdaılarda Qazaqstan Úkimeti kópjaqty deńgeıde, atap aıtqanda, DSU alańynda ınvestısııalardy qoldaý máseleleri boıynsha pikirtalastardy odan ári jalǵastyrýdy mańyzdy dep sanaıdy. Biz DSU-ǵa múshe elderdi DSU-nyń Beıresmı dıalogyna qosylýǵa shaqyramyz, onyń aıasynda ınvestısııalar tartý boıynsha ulttyq tájirıbe týraly aqparattar bólisemiz. Bul bastama DSU-nyń qazirgi álem úshin ózektiligin naqtylap, halyqaralyq saýda-sattyqtyń artýyna jáne jahandyq ekonomıkanyń ósýine yqpalyn tıgizedi dep úmittenemiz.
Sóz sońynda, osy múmkindikti paıdalana otyryp, DSU-ǵa múshe barlyq memleketterge jáne Azevedý myrzaǵa Qazaqstanǵa degen zor senimi jáne 2020 jyldyń maýsym aıynda Astanada DSU-nyń XII Mınıstrlik konferensııasyn ótkizýge bergen bizdiń ótinimimizge qoldaý bildirgeni úshin alǵys aıtqym keledi. Qazaqstan Mınıstrlik konferensııanyń nátıjelerin qamtamasyz etý maqsatynda DSU-nyń kún tártibindegi barlyq máseleler boıynsha talqylaýlarǵa syndarly úlesin qosýǵa ázir.
Forýmnyń barlyq qatysýshylaryna jemisti ári paıdaly pikirtalastar tileımin. Joǵary deńgeıli forým tabysty bolaryn jáne óz maqsatyna jetetinine senimdimin.
