Qazaqstan Syrtqy ister mınıstri Qaırat Ábdirahmanovtyń sóılegen sózinde ıadrolyq qarýsyzdaný kezeńdilikti, shydamdylyqty, kelisimdi jáne barlyq múddeli taraptardyń adal nıetin talap etedi jáne Qazaqstan ony óz tájirıbesinen biledi dep atap ótildi. Sonymen qatar, ıadrolyq qarýsyz joldy tańdaýdyń arqasynda Qazaqstan álemdik qaýymdastyqtyń senimdi seriktesine aınaldy, ınvestısııalardy tartyp, ekonomıkalyq damýdy qamtamasyz etti. Ortalyq Azııadaǵy ıadrolyq qarýdan azat aımaq soltústik jarty shardaǵy alǵashqy jáne jalǵyz aımaq bolyp tabylady. Osyndaı aımaqty Soltústik Shyǵys Azııada qurýǵa umtylý qajet. Azııadaǵy ózara yqpaldastyq jáne senim sharalary jónindegi keńesiniń (AО́SShK) Azııa kontınentindegi yntymaqtastyqty nyǵaıtýdaǵy rólin atap, Qazaqstan KHDR men Japonııanyń bolashaqta Keńeske tolyq quqyly múshe retinde kirýin mańyzdy dep sanaıdy.
Bıylǵy jyldyń qańtarynda Qazaqstannyń BUU Qaýipsizdik Keńesindegi tóraǵalyǵy barysynda Prezıdent Nursultan Nazarbaev senim sharalary arqyly Jappaı qyryp joıý qarýyn taratpaý problemalaryn sheshý boıynsha óz tájirıbesimen jáne ıdeıalarymen bólisti. Koreı túbegindegi sońǵy oqıǵalar osy tásildiń ózektiligi men senimdiligin kórsetedi. Qazaqstan ınklıýzıvti dıalogty qaıta ornatýdaǵy eki koreı memleketteriniń maqsatty umtylysyn, sondaı-aq AQSh pen Koreıa Respýblıkasynyń birlesken óńirlik áskerı jattyǵýlardy toqtatý týraly sheshimin qoldady. Osynyń barlyǵy Sıngapýrda ótken tarıhı sammıtti múmkin qylǵan beıbit, saıası-dıplomatııalyq sharalarǵa jáne koreıaralyq kelissózderdiń jalǵasýyna serpin berdi dep málimdemede delingen.
«Phenıan men Seýl arasynda jalǵasyp kele jatqan dostyq negizindegi saıası dıalog jáne ózara tıimdi jobalar óńirdegi shıelenisti uzaq merzimge báseńdetýdiń eń tıimdi tásili bolýy múmkin. Bul tolyq, tekserýge jatatyn jáne qaıtarymsyz denýkrlearızasııa úshin ózara qolaıly sheshimderge jol beredi», - dep atap ótti Mınıstr.
Qazaqstannyń pikirinshe, bul maqsat BUU Qaýipsizdik Keńesindegi birlestikti qajet etedi. Sanksııalar problemalyq máselelerdi tek beıbit jáne saıası-dıplomatııalyq jolmen sheshýge baǵyttalǵan ýaqytsha shara ekendigi este saqtaǵan jón. Qazaqstan ıadrolyq qarýsyzdaný úderisiniń ashyqtyǵy men salmaqtylyǵyn qoldaıdy. Olar barlyq taraptardyń múddelerin jáne ózderine júktelgen mindettemelerdi iske asyrýdy birkelki eskerý qajet. Qańtarda ótken jıynda Qazaqstan Prezıdenti qarýsyzdanyp jatqan tarapqa qaýipsizdik kepildikterin usyný alǵa jyljýdyń óte mańyzdy ári qajetti sharty ekenin atap ótti.
«Osy turǵyda Qazaqstan KHDR ózine júktegen barlyq mindetterdi tolyq oryndaıtynyna jáne Iаdrolyq qarýdy taraptaý týraly shartqa (IаQTSh) qaıta oralatynyna jaýap retinde ıadrolyq derjavalar tarapynan qaýipsizdiktiń senimdi sharalaryn usyna otyryp, Soltústik Koreıany dáıekti denýklearızasııalaý boıynsha jol kartasyn ázirleý múmkindigin qarastyrýdy usynýda. Osy is-áreket baǵdarlamasyn iske asyrý mindetin oryndamaǵan jaǵdaıdaǵy saldaryn kórsete otyryp, Keńestiń tıisti qararymen bekitýge bolady. Qazaqstan denýklearızasııalaý úderisin dáıekti jáne ashyq iske asyrý úshin óz tájirıbesimen jáne tehnıkalyq bilimimen bólisýge daıyn.
