Búgin «Egemen Qazaqstan» gazetiniń uıytqy bolýymen ekinshi mərte uıymdastyrylyp otyrǵan jarystyń ashylý rəsiminde basylym basshysy Darhan Qydyrəli men belgili memleket jəne qoǵam qaıratkeri Nurlan Orazalın sóz sóılep, týrnırge qatysýshylarǵa səttilik tiledi. Bir keremeti, dəl osy kúni qazaq rýhanııatyna ólsheýsiz úles qosqan Muhtar Áýezov, Sherhan Murtaza, Oralhan Bókeı syndy úsh birdeı qabyrǵaly qalamgerdiń týǵan kúni. Quttyqtaý barysynda osyny tilge tıek etken Darhan Qydyráli atalǵan týrnır aǵa býyn men jastar arasyndaǵy arqaýy úzilmegen rýhanı sabaqtastyqty jalǵaıtyn altyn kópir ekenine toqtaldy.
Jarys eki jas ereksheligi boıynsha ótti. Jastar arasyndaǵy saıystyń aqtyq synynda «Ana tili» gazetiniń bas redaktory Janarbek Əshimjan men «Jetisý» gazetiniń tilshisi Mədı Aljanbaı kezdesip, asa shıelenisti ótken tartys Janarbektiń paıdasyna sheshildi. Úshinshi oryndy «Qazaq radıosynyń» qyzmetkeri Edil Anyqbaı enshiledi.
Aǵa býyn ókilderi arasynda ótken kezdesýde Jambyl oblystyq «Znamıa trýda» gazetiniń bas redaktory Beket Momynqul men «Qazaq radıosynyń» qyzmetkeri Ǵalym Esensarıev sheberlik baıqasty. Bul bəseke Ǵalymnyń paıdasyna sheshildi. Úshinshi oryn úshin saıysta «Egemen Qazaqstannyń» qos ardageri - Mamadıar Jaqyp pen Dəýlet Seısenuly kúsh synasty. Bul oıynda Mamadıar aǵanyń mereıi ústem boldy.
Jarys aıaqtalǵan bette «Egemen Qazaqstan» AQ basqarma tóraǵasy Darhan Qydyrəli jarys jeńimpazdary men júldegerlerine kýbok pen aqshalaı syılyqtar tabys etti. Sóz oraıy kelgende osy týrnırge halyqaralyq dərejedegi tóreshi Iýrıı Pıkalov qazylyq etkenin aıta ketken jón.
Ǵalym Súleımen,
«Egemen Qazaqstan»
