«Elbasynyń Jarlyǵymen bekitilgen «Eńbek kúni» merekesin bıyl besinshi ret atap ótip otyrmyz. Osy ýaqyt aralyǵynda kásipti atadan balaǵa mıras etip otyrǵan qanshama otbasylardy oblysta ǵana emes, respýblıka kóleminde tanyta bildik. Bizdiń búgingi jas urpaǵymyz atakásipti jalǵastyryp, onyń qyr-syryn otbasynan úırense, ári qaraı jalǵastyrsa, munyń ózi bir tárbıe mektebi emes pe? Sonyń nátıjesinde ózderińiz sııaqty eńbek áýletteri qalyptasyp jatsa, bul da bir ultymyzdyń rýhanı jańǵyrýy bolmaq», - dedi forýmnyń quttyqtaý sózinde Qyzylorda oblysynyń ákimi Qyrymbek Kósherbaev.
Sonymen qatar, forým aıasynda «Eńbek joly» respýblıkalyq baıqaýynyń jeńimpazdary, kásipodaq uıymdarynyń úzdik jas mamandary jáne ártúrli saladaǵy jastardyń úzdik tálimgerleri belgili boldy.
Aımaqtyń úzdik eńbek áýletteri salalar boıynsha anyqtalyp, baǵaly syılyqtarmen marapattaldy.
Baqtııar TAIJAN,
«Egemen Qazaqstan»
Qyzylorda oblysy
