Qazaqstan men Shveısarııa arasyndaǵy ekijaqty qarym-qatynastyń deńgeıin joǵary baǵalaǵan Senat Tóraǵasy Shveısarııanyń Federaldyq prezıdenti D.Lıoıthardtiń ótken jyly Astanaǵa kelgenin jáne Prezıdent N.Nazarbaevpen kelissóz júrgizgenin ári «EKSPO-2017» aıasynda Shveısarııa Ulttyq kúnin merekeleýge qatysqanyn rızashylyqpen atap ótti.
Q.Toqaevtyń pikirinshe, eki el parlamentteriniń arasyndaǵy baılanys qarqyndy damyp keledi. Qazaqstan men Shveısarııanyń zań shyǵarý organdarynyń EQYU parlamenttik assambleıasy men Eýropa Keńesi aıasyndaǵy yntymaqtastyǵy nátıjeli júzege asýda.
Qos tarap saýda-ekonomıkalyq, ınvestısııalyq jáne kólik-logıstıkalyq baılanystaryn tereńdetý máselelerin talqylady. Shveısarııa taýar aınalymynyń kólemi boıynsha elimizdiń Eýropadaǵy negizgi áriptesteriniń qataryna enedi. Q.Toqaev Qazaqstannyń tranzıttik áleýeti arta túskenin atap ótip, «Nurly jol» strategııasyn iske asyrý jáne onyń qytaılyq Uly Jibek joly bastamasymen úılesimi týraly habarlady. Sondaı-aq, Senat Tóraǵasy Astanada Halyqaralyq qarjy ortalyǵynyń ashylýyna baılanysty qarjy yntymaqtastyǵynyń aýqymdy múmkindikterine F.Lombardıdiń nazaryn aýdardy.
Q.Toqaev pen F.Lombardı Qazaqstan men Shveısarııa aımaqtarynyń ózara yntymaqtastyǵynyń keleshegi zor ekenin atap ótti. Almaty jáne Lýgano qalalarynyń arasyndaǵy seriktestik buǵan dálel bolyp tabylady, sondaı-aq Almaty oblysy men Tıchıno kantony arasyndaǵy baılanys ta nyǵaıa túsýde.
