Býrsa men Qapshaǵaı arasynda baılanys ornady

Jaqynda Býrsa qalasynyń delegasııasy Qapshaǵaı qa­la­syna jumys saparymen kelip, isker áıeldermen kez­desti. Delegasııa quramynda Bý­rsa qalasynyń áıelder konfe­derasııasynyń prezıdenti Dı­lek Dýrak, Býrsa qalasynyń áıel kásipkerleri uıymynyń jetekshisi Selvınaz Irman, Túrki halyqtary qorynyń pre­zıdenti Ahmed Dagdýran jáne de basqa qurmetti qonaqtar boldy. Býrsalyqtar jasandy teńiz jaǵasyndaǵy qaladaǵy Kásipkerlerge qyzmet kórsetý ortalyǵynda bolyp, óńirdiń áleýmettik-ekonomıkalyq jaǵ­daıymen tanysty. Kezdesýde Al­maty oblysy Isker áıelder keńes­iniń múshesi, Ile aýdany sha­ǵyn kásipkerleri qaýymdas­ty­ǵynyń prezıdenti Janna Telpekbaeva óńirdegi áıel kásip­kerliginiń damýy jóninde áńgimeledi.

Al Qapshaǵaı qalasyndaǵy Isker áıelder keńesiniń tóra­ıymy Gúljan Iskanovanyń aıtýynsha, qalada tirkelgen 3,4 myń shaǵyn jáne orta bıznes sýbektileriniń jartysy názik jandylardyń úle­sinde. Qaladaǵy áıelder bız­nesi negizinen saýda, qoǵam­dyq tamaqtandyrý men qyz­met kórsetý salasynda shoǵyr­lanǵan. О́tken jyly isker áıelderdiń bastamasymen «Bári de rahmet úshin» áleýmettik dúkeni ashylǵan eken. 

Al túrik delegasııasy týrızm, aýyl sharýashylyǵy, sút óńdeý, tigin-toqyma óndirisi, sonymen birge áleýmettik sala, qolóner salasyndaǵy jo­ba­larǵa ınvestısııa quıyp, bir­ge jumys jasaýǵa daıyn eken­derin jetkizdi. Kezdesý nátı­jesinde Qapshaǵaı qalasynyń Isker áıelder keńesi men Túr­ki halyqtarynyń qory ara­syn­daǵy áriptestik jónindegi memo­randýmǵa qol qoıylmaq. 

Qalmahanbet MUQAMETQALI,

«Egemen Qazaqstan»

Almaty oblysy