Atyraý teatry «Medeıany» eki jyldan beri sahnalap keledi. Belgili rejısser Qýandyq Qasymovtyń qoltańbasy teatr ártisteriniń shynaıy oıynymen kórkemdele túskendeı. Qazir teatr ǵımaratyna kúrdeli jóndeý júrip jatyr. Barlyq spektaklder kishi zalda ótýde. «Kórermenmen baılanysty árdaıym nazarda ustaımyz. Dalada, Jaıyqtyń jaǵasynda óner kórsetý de osy oıdan týdy, – deıdi teatr basshysy Berik Jámenov. – Halyqtyń erekshe yqylasyn kórdik, bul bizdiń bolashaqtaǵy jumystarymyzǵa shabyt berdi».
Basty rólderdi somdaǵan Gúlnur Qaıyrlıeva, Baqytjan О́teǵalıev, Beket Zınýllın, Aslanbek Janbalaevtardyń ónerlerine kórermen bul joly da tánti boldy. Sýretshi Temirbek Muhtarovtyń qolynan shyqqan dúnıe qashanda joǵary baǵaǵa laıyq. Mahambet atyndaǵy akademııalyq qazaq teatry osy «Medeıa» spektaklimen Makedonııada, Kerchte ótken halyqaralyq baıqaýlarda júldeger atanǵan edi.
Baqytgúl BABASh,
«Egemen Qazaqstan»
ATYRAÝ
