Ǵasyrǵa jýyq tarıhy bar bul aýdannyń 90 jyldyq merekesin jylyoılyqtar erekshe atap ótti. Sharanyń ashylý saltanatynda aýdan ónerpazdary jáne «Sarmad» etno-folklorlyq ansambli, Atyraý oblystyq fılarmonııasy orkestri óner kórsetti.
-Búgingi kıeli meken Keń Jylyoıdyń 90 jyldyq merekesimen barlyq jylyoılyqtardy, qonaqtardy shyn júrekten quttyqtaımyn. Qoınaýy qara altynǵa tunǵan, jaılaýy malǵa tolǵan qutty mekende keshegi pir Beket pen aýyzymen qus tistegen Tinekeıuly Qulsary sheshendi ómirge kelgen. Talaı qıly kezeńdi basynan ótkizgen bul aýdan búginde óz qoly aýyzyna jetip, jyl saıyn gúldenip, órkendep, damý ústinde. Aýdannyń oblys damýynda da alar orny erekshe,- dep quttyqtady Atyraý oblysy ákiminiń birinshi orynbasary Serik Shapkenov.
Merekeniń alǵashqy kúninde respýblıkalyq aqyndar aıtysy ótip, ony QR eńbegi sińgen qaıratkeri Júrsin Erman júrgizdi. Aıtysqa ár óńirden 14 aqyn qatysyp bas júlde Bekarys Shoıbekovke buıyrdy.
Aıtysty merekeniń ekinshi kúninde Búrkit tóbedegi alańda qazaqsha kúres, 32 keli kir tasyn kóterý jáne top báıge men alamen báıgemen jasǵastyrdy. 9 tulpar top báıgede 21 shaqyrymǵa, alaman báıgege 18 səıgúlik 31 shaqyrymǵa shaýyp, jeńimpazdar jańa avtokólikterge ıe boldy.
Mereıtoı Qulsary qalasynyń ortalyq stadıonynda qazaq estradasy juldyzdarynyń qatysýymen ótken merekelik teatrlandyrylǵan-sazdy baǵdarlamamen aıaqtaldy. Konsertke jıylǵan 7000–ǵa jýyq kórermen kesh sońynda merekelik ot shashýdy tamashalap, tarqasty.
