Búgin oblystyq qarttar men múgedekter úıinde qarttar kúni atap ótildi. Qazir munda 103 adam turady: 1 jáne 2 toptaǵy 57 múgedek jan, qalǵan 46 -sy memleket qamqorlyǵyndaǵy qart adamdar.
- Ekinshi jyl qatarynan bizdiń áleýmettik mekemede turatyn adamdardyń sany birdeı. Qalamyzda qamkóńil jandardy eleýsiz qaldyrmaı, demeýshilik kómek kórsetip, qajet nárselerdiń bárin alyp berip jatqan turǵyndardyń baryna qýanyshtymyn. Jergilikti bılik organdary da bul isti nazardan tys qaldyrmaı syı-qurmet kórsetip keledi,- deıdi Qarttar jáne múgedekter úıiniń dırektory Qılymqas Kúzembaeva.
Qarııalardy quttyqtaýǵa Atyraý qalasynyń ákimi Alımuhammed Quttumurat-uly keldi. Qala basshysy syılyqtar usynyp, merekege oraı uıymdastyrylǵan qaıyrymdylyq túski asqa qatysty.
- Elimizde árqashan úlkenge qurmet kórsetiledi. Sizderdi osy mańyzdy kúnmen quttyqtap, zor densaýlyq, uzaq ómir tileımin, - dedi Alımuhammed Quttumuratuly.
Aıta keteıik, Atyraý oblysynda 60 jastan asqan 50 myńnan astam adam turady.
