— Biz búgingi kezdesý tizginin tolyqtaı qolymyzda ustap, qarsylas qaqpasyna qaýip tóndirýmen boldyq. Men ózime keler bolsam, bir gol emes, odan da kóp soǵýǵa tıis edim. Men óz nátıjemdi arttyrý úshin kún saıyn eńbektenip kelemin. Bul óte jaqsy oıyn boldy. Tomasov keremetteı eki gol soqty. Jeńisti jolymyzdy jalǵastyramyz degen senimdemin.
— Sizde oıynnyń alǵashqy taımynda taǵy da bir gol soǵatyn múmkindik bolǵan edi...
— Men qaqpashymen birge bir shyqqan sátte, ol múmkindikti júz paıyz golǵa aınaldyrýym kerek bolatyn. Dál mundaı sátte sende sheshim qabyldaıtyn óte kóp ýaqyt jáne tańdaý bar. Degenmen, men múlt kettim. Múmkin, dopty basqa buryshqa tebýim kerek pe edi. Gol soǵa almaǵanym óte ókinishti. Men ózimdi damytyp, eńbektenýimdi jalǵastyratyn bolamyn. Men óz eńbek jolymda negizinen kóp gol soǵamyn, osy dástúrdi «Astana» sapynda da jalǵastyrǵym keledi.
— Kelesi oıyn Eýropa Lıgasy aıasynda «Rennǵa» qarsy ótkizesizder. Osy oıynda alǵashqy mınýttan alańǵa shyǵýǵa daıynsyz ba?
— Men ár kezde daıynmyn. Degenmen, barlyǵyn bapkerler quramy sheshedi. Eýropa Lıgasy kez-kelgen oıynshy úshin úlken tájirıbe. Biz alańda jan berýge daıynbyz.
— Syrt alańdaǵy alǵashqy oıynda teń tústińizder. Endi «Dınamoǵa» qarsy jaýapty oıyn bar...
—«Dınamoǵa» qarsy oıyn óte jaqsy jaǵdaıda ótti. Syrt alańda biz mańyzdy upaıǵa qol jetkize aldyq. Qazir óz alańymyzda, jankúıerlerimizdiń qyzý qoldaýynyń arqasynda, ózimizge úırenshikti jasandy alańda úsh upaıǵa qol jetkizýge tıispiz. Barlyǵyn beısebi kúngi oıynda kóremiz.
— Qazaqstan Chempıonaty sońyna jaqyndap keledi. Bizdiń chempıonattyń deńgeıine qandaı baǵa beresiz?
— «Astana» — Qazaqstannyń úzdik komandasy. Men oǵan senimdimin. Bizdiń chempıonatta 6 oıynymyz qaldy. Biz olardyń barlyǵynda jeńiske jetkimiz keledi. Eger jeńiske jetýdi jalǵastyratyn bolsaq, merziminen buryn chempıon atanamyz. Bul meniń eńbek jolymdaǵy alǵashqy chempıondyq ataq bolmaq. Men jasóspirim kezimde chempıon atanǵan edim, alaıda ereksekter arasyndaǵy deńgeı múlde bólek. Men komandamen birge chempıon atanamyn degen senimdemin. Chempıon bolý árqashan keremet.
— Búgin alǵashqy mınýttan bastap alańǵa shyqtyń. Unady ma?
— Árıne! Kez-kelgen oıynshy negizgi quramda alańǵa shyqqandy qalaıdy. Eger ony qalamasań, fýtbol oınaýdyń qajeti qansha? Osyndaı jeńisti oıynnan keıin, gol soqqannan keıingi sezim óte keremet. Gol soǵý shabýylshy úshin óte mańyzdy. Men «Astana» sapynda barynsha kóp oıyn ótkizip, jankúıerlerdi goldarymmen qýantamyn degen senimdemin.
— Sońǵy mınýttarda esepti eseleı aldyńyzdar...
— Biz tyńbyz, barynsha kóp jattyǵý jumystarynda eńbektenip kelemiz. Bizdiń ózara túsinistigimiz óte keremet. Bizdiń quramda 20 óte jaqsy oıynshy bar. Bir oıynshy jaraqat alyp qalsa, ony almastyra alatyn laıyqty oıynshylar jeterlik. Biz 70-shi mınýttan keıin pressıng jasap, taǵy da gol soqqandyǵymyz óte jaqsy.
