Jeti saǵatqa sozylǵan jańbyr nátıjesinde Taılandtyń úsh aýylynyń turǵyndary baspanasyz qalǵan. 55 jasar aýyl turǵyny sý basqan úıinen shyqpaq bolǵanynda topan sýdyń aǵysy alyp ketip, mert bolǵan. Qaza bolǵannyń denesi úıinen 200 metr jerde tabylǵan. Qalǵan turǵyndar úılerine sý kirmes buryn shyǵyp úlgergen.
Taılandta sý basqyny mezgil saıyn bolyp turady. Buǵan aımaqtaǵy tropıkalyq jáne sýbtropıkalyq klımat sebep. Jańbyrly maýsym jazdyń alǵashqy aıynda bastalyp, qazan aıynyn sońyna deıin jalǵasady. Sońǵy aptalarda sý basqyny Taılandtyń kóptegen aımaqtarynda tirkelgen. Pattaııa men Phýket sııakty týrıstik aımaqtar da bul tizimde. Alaıda, úlken qaladaǵy sý tartý júıesi men aryqtar kómegimen qalalardaǵy sý kólemi ulǵaımaıdy.
