Kógimde yrys turaqtap,
jerimde qut,
Armanyma Astana tórin berip.
Erke Esildiń jaǵasy ertegideı –
Qaraótkelge qara orman elim qonyp.
Úmitim bar tumanyń tunyǵynda,
Máńgilik el turǵanda tuǵyrynda.
Shyraılanyp janymda
tur aınalyp –
Elbasy men Elorda bir uǵymǵa.
Sapar saıyn jańǵyrar sanada aty,
Ǵajaıyby ǵalamnyń,
Ǵalamaty.
...Áz, Astana jurtyńnan aınalaıyn –
Elbasynyń erteńge amanaty.
Turǵany anyq bul shahar tulǵalanyp,
Syrǵa qanyp...
tolqyny jyrlap, aǵyp...
Tyńdatady qudiretin,
Kún batady –
Nursultannyń qalasyn nurǵa malyp.
Zamandasym,
Zańǵarym,
qatarlarym.
Taýsylmasyn tirlikte tatar dámiń.
...Aı Astana Alashtyń Arýanasy –
Baýyrynan óretin bota-armanym.
Áni Esildeı bul jerdiń
kúıi Esildeı,
Aıtar sózdiń aıdarly júıesindeı.
Elorda men Elbasy baıtaǵymnyń –
Máńgilikpen tildeser kıesindeı.
Ǵalym JAILYBAI,
Qazaqstannyń eńbek sińirgen qaıratkeri, halyqaralyq «Alash» ádebı syılyǵynyń laýreaty
ALMATY
