Atalǵan aýqymdy shara QR Mádenıet jáne sport mınıstrliginiń jáne Astana qalasy ákimdiginiń qoldaýymen Qazaqstan Respýblıkasynyń Djıý-djıtsý qaýymdastyǵynyń bastamasymen uıymdastyrylyp otyr. Sharanyń maqsaty – adamdardy salaýatty ómir saltyn ustanýǵa jáne sportpen shuǵyldanýǵa tartý, sondaı-aq elimizde djıý-djıtsýdi jáne onyń baǵyttaryn keńinen dáripteý, damytý.
Respýblıkalyq týrnırge Azııa qurlyǵy men araldardyń, basqa da memleketterdiń, oblystar men Astana jáne Almaty qalalarynyń komandalary qatysady. Jarysqa aq, kók, qyzylkúreń, qońyr, qara belbeýlerge bólingen 6-45 jastaǵy sportshylar jiberiledi.
5 qazanda sportshylardyń kelýi jáne olardy ornalastyrý, sondaı-aq 6-15 jastaǵy jasóspirimderdiń salmaǵyn ólsheý josparlanǵan. Al jekpe-jekter 6 jáne 7 qazanda «Dáýlet» sport kesheninde ótedi. Elorda turǵyndary men qonaqtaryn Kýbokty tamashalaýǵa shaqyramyz. Jarysqa kirý – tegin.
6 qazanda saǵat 10:00-den 14:00-ge deıin balalar arasyndaǵy jarys ótedi. Osy kúni saǵat 14:00-de djıý-djıtsýden Astana kýbogynyń ashylý saltanaty uıymdastyrylady. Budan basqa, saǵat 14:00-den 15:30-ǵa deıin «Astana Jiu-Jitsu Cup 2018» aıasynda «Han Shatyr» saýda, oıyn-saýyq kesheninde brazılııalyq djıý-djıtsýden Álem chempıony Alana Fınfoý jáne djıý-djıtsýden basqa da álemdik juldyzdardyń qatysýymen semınar ótedi.
Jeksenbi kúni, 7 qazanda «Dáýlet» sport keshenindegi jarys 10:00-de bastalady. Jeńimpazdar arasyndaǵy tıtýl úshin absolıýtti jekpe-jekter saǵat 19:00 belgilengen. Astana Jiu-Jitsu Cup kýbogy qazaqstandyq sportshy Darhan Nortaev pen brazılııalyq Artýr Lanestiń, sondaı-aq Nurjan Seıdýalı men Lýkas Pınheıronyń arasyndaǵy Chempıondyq belbeý úshin kúrespen aıaqtalady. Jarystyń jalpy júlde qory – 15 000 AQSh dollary.
