Astanada Álem­dik jáne dás­túr­li dinder kóshbasshylarynyń VI se­zi ótedi

Elimizdiń halyqaralyq aýqym­daǵy bastamalarynyń barlyǵy halyqaralyq qoǵamdastyq tarapynan qoldaý taýyp keledi. Qazaqstannyń, ásirese qaýipsizdik, terrorızm jáne dinı ekstremızmge qarsy kúres salasyndaǵy baıypty bastamalarynyń orny erekshe. Osy arada Prezıdent N.Nazarbaevtyń bastamasymen ári qoldaýymen úsh jyl sa­ıyn uıymdastyrylyp kele jat­qan Álemdik jáne dástúrli din­der kóshbasshylary seziniń mańyz­dylyǵyn aıryqsha atap kórsetkenimiz abzal. 

Rýhanı kelisim men dinaralyq tatýlyq adamzattyń beıbit ómir sú­rýi­niń basty kepili ekenin túsine bil­genge bul Sezdiń mán-mańyzy aıtpasa da uǵynyqty. Búginde Sezd túrli din­niń lıderlerin, tanymal saıası qaı­ratkerler men sarapshylardyń basyn birik­tirip, álemdik qaýipsizdik pen yn­­tymaqtastyqtyń ózekti máse­lelerin sana sarabyna salatyn, sheshimin kútken túıtkilderge adamzat nazaryn aýdaratyn rýhanı únqatysý alańy retinde mo­ıyndalǵan. Bul óz kezeginde qoǵamdyq úılesim men dinaralyq tatýlyqtyń jar­qyn modelin qa­lyptastyrǵan elimizdiń jáne El­basy Nursultan Nazarbaevtyń izgilikti ustanymyn, bıik bedelin aıǵaq­taıdy.

Jalpy, Qazaqstan táýel­siz­dik­tiń shı­rek ǵasyrdan astam ýa­qytynda órke­nıetaralyq dıalogty qalyptastyrýda jáne jahan­dyq aýqymda dinaralyq qaty­nastardy toleranttylyq qaǵı­dat­tary negizinde damytýda kúsh-jigerin barynsha jumsap keledi. Bul sózimizdiń bir dáleli retinde elimizdiń Álemdik jáne dástúrli dinder kóshbasshylarynyń bu­ǵan deıingi sezderin joǵary dárejede uıymdastyrǵanyn aıtýymyzǵa bolady. Osy jıyndarda adamzatty tol­ǵandyryp kele jatqan ózekti máseleler san qyrynan taldanyp, olarǵa halyq­aralyq qoǵamdastyqtyń kóńil aýdarýy, kóptegen taraptardyń bir-birine degen senimi oıanyp, ózara únqatysýǵa nıet bil­dir­geni Sezd jumysynyń nátı­jeli bolǵanyn kórsetse kerek. Atal­ǵan alqaly jıyndar Qazaq­­stan­nyń ultaralyq jáne din­ara­lyq qatynastardy ny­ǵaıtý salasyndaǵy jınaqtaǵan mol táji­rı­besin keńinen nası­hat­taýǵa múm­kindik berdi. Budan bólek, As­tanada álemdik din­ara­lyq fo­rýmnyń bes ret uıym­das­tyrylýy rý­hanı kelisimniń jańa ári tıim­di jolyn túzip, elimizdi ór­kenıet­aralyq dıalogtyń búgingi ýaqyt talabyna saı keletin tyń for­ma­synyń avtory retinde tanytty. 

Qazaqstannyń EQYU, IYU syn­dy uıymdarǵa tóraǵalyq etýi, BUU Qaýipsizdik Keńesiniń tu­­raq­ty emes mú­sheligine saılanýy elimizdiń konfes­sııaaralyq keli­sim men toleranttylyq qaǵı­dat­tary boıynsha jınaqtaǵan baı tájirıbesiniń laıyqty mo­ıyndalǵanyn bildiredi.

Sál shegine sóılesek, 2015 jyly ótken V sezge BUU-nyń sol kezdegi Bas hatshysy Pan Gı Mýnnyń, birqatar mem­leket basshylarynyń jáne 42 elden 80-nen astam delegasııanyń qatysýy óz kezeginde quryl­taı­dyń mańyzdylyǵyn naqtylaı túsedi. Bul arada Sezdiń barlyq qatysýshylardy dinaralyq qaty­­­nastar baǵytyndaǵy qasań qaǵı­dalardy joıýǵa, tolerant­tylyq pen ózara keli­simniń zamanaýı úr­disterin jaryqqa shy­ǵarýǵa ún­degeni osy halyqaralyq bas­qo­sýdyń salmaǵyn arttyrǵanyn aıta ke­teıik.

Álemdik jáne dástúrli din­der kósh­basshylary seziniń eli­mizdiń álemdik arenadaǵy bas­ta­mashyl rólin, tartymdy ımıdjin qalyptastyrýda tıim­diligin kórsetip otyr. Sonymen qatar osy Sezdiń Islam áleminiń ajy­ra­mas bóligi sanalatyn Qazaq­standa uıym­dastyrylýy da mu­sylman qaýymy úshin zor jetis­tik. О́ıtkeni halqy­nyń 70 pro­sentinen astamy Islam dinin us­­tanatyn Qazaqstannyń asyl di­ni­ne jala japqysy, kúıe jaq­qysy kele­tinder kóbeıip turǵan búgingi zamanda din­­aralyq únqatysýdyń ortaly­ǵy­na aınalýy dinimizge degen bir­jaqty, jaǵym­syz ári orynsyz kózqa­ras­tardy toqta­týǵa, sondaı-aq já­ne onyń bedelin arttyra tú­sýge ózin­dik yqpalyn tıgizbeı qoı­maıdy. 

Qoryta aıtqanda, aldaǵy 10-11 qazan kúnderi Astanada ótetin Álem­­dik jáne dástúrli dinder kósh­bas­­shylarynyń VI sezi eli­miz­diń órke­nıet keńistigindegi baı­sal­dy ári ma­ńyzdy qadam­dary­­nyń biri bolmaq. Ol Qazaq­stan­nyń búkil adam­zat al­dyn­daǵy jaýap­kershiligin qan­sha­lyq­ty sezi­netinin kórsetetin jıyn bolady dep senemiz.

Joldybaı BAZAR,

«Egemen Qazaqstan»