«Rýhanı jańǵyrý baǵdarlamasy aıasynda ótip jatqan aıtys batyr Shaqshaq Jánibektiń 325 jyldyǵy, aqyn Aqsulý Orysbaıqyzynyń 145 jyldyǵy jáne aqyn, ǵalym Qaınekeı Jarmaǵambetovtyń 100 jyldyǵyna arnaldy. Alaman dodada esimi elimizge tanymal aıtys aqyndary Muhtar Nııazov, Qaziret Berdihan, Aıbek Qalıev, Meıirbek Sultanhan, Saltanat О́telbaeva, Ásem Erejeqyzy, Shuǵaıyp Sezimhan, Toba О́tepbaev, Batyrlan Saǵyntaev, Azamat Máljanbaı, Medet Baızaqov, Marat Ahmetov, Qanat Myrzahan, Marǵulan Ospanov óner kórsetedi.
Ádilqazylar alqasynyń quramynda halyq aqyndary Ásııa Berkenova men Áselhan Qalybekova, «Alash» syılyǵynyń laýreaty Aqylbek Shaıahmet, aqyn Nurqanat Qulabaev, aıtys aqyny Baýyrjan Qalıolla bar. Jyr dodasyn Qazaqstannyń Eńbek sińirgen qaıratkeri, aqyn Júrsin Erman júrgizip otyr.
«Aıtys oblys ákimi Arhımed Muhambetovtyń tikeleı qoldaýymen ótip otyr. Qostanaıda birinshi aıtys 1943 jyly ótken eken, oǵan da bıyl 75 jyl toldy, óńirden shyqqan iri tulǵalardyń mereıjasymen qatar, osy bul da eskerer mártebe dep bilemiz. Bul aıtysqa Júrsinniń jeti júırigine Qostanaı jeti júırigin qosyp otyr» dedi jurtshylyqty aıtystyń bastalýymen quttyqtaǵan oblystyq mádenıet basqarmasynyń bastyǵy Erlan Qalmaqov.
Aıtys erteń jalǵasatyn bolady, jyr júırikteriniń de aty erteń atalady.
Názıra JÁRIMBET,
«Egemen Qazaqstan»
Qostanaı
