«Qazirgi kezde tıisti jumystar atqarylyp jatyr. Úkimettiń sheshimi bar. Hattamalyq sheshimge sáıkes, árbir mekemede úkimettik emes uıymdarmen baılanys boıynsha bir jaýapty adam bolady. Negizi, qazirgi kezde kez kelgen mekemede azamattyq qoǵammen baılanys júrgizýdiń ádis-tásilderi bar. Al naqty mamandy belgilesek, osy saladaǵy baılanys kúsheıe túsedi», - dedi D.Káletaev jýrnalısterge bergen suxbatynda.
Mınıstrdiń sózine qaraǵanda, jańa qyzmetke keletin mamannyń kimge jáne qalaı baǵynatyny áli anyqtalady. Biraq úkimettik emes uıymdardyń negizgi ótinishi oryndaldy. Ol - ortalyq jáne jergilikti atqarýshy organdarda azamattyq qoǵammen baılanys júrgizetin mamandy engizý.
«Osyǵan qatysty kóp usynys boldy. Biz óz tarapymyzdan qoǵamdyq uıymdardyń ótinishin oryndadyq», - dep atap kórsetti D.Káletaev.
Aıta keteıik, búgin Astanada alǵash ret azamattyq qoǵam ınstıtýttaryn damytý máselesine arnalǵan ulttyq tyńdaýlar ótti. Negizgi maqsat - Qazaqstan Respýblıkasynyń azamattyq qoǵamyn damytý jónindegi tujyrymdany ázirleý. Atalǵan qujat 2025 jylǵa deıingi ýaqytty qamtıdy. Buǵan deıingi tujyrymdamanyń merzimi 2011 jyly aıaqtalǵan bolatyn. Jańa tujyrymdama bıyl VIII Azamattyq forýmda tanystyrylady degen jospar bar. Osy oraıda QR Qoǵamdyq damý mınıstri Darxan Káletaev azamattyq qoǵamdy damytýdyń negizgi máselelerin atady.
