2012 jyldan bastap elimizde múmkindigi shekteýli jandardyń quqyn qamtamasyz etý ómir sapasyn jaqsartýdyń Ulttyq sharalar jospary satylap júzege asyp jatqany belgili. Qazir oblysta 2016-2018 jyldarǵa arnalǵan Jospardyń úshinshi satysy sheńberinde jumystar atqarylyp jatyr. Bıyl 179 nysanǵa múmkindigi shekteýli jandarǵa qolaıly jaǵdaı jasaý belgilingen.
«Biz bıyl Qostanaı oblysyn múmkindigi shekteýli jandar úshin kedergisiz óńir etemiz deýge áli erte. Áli kóptegen nysandar, kásiporyndar men mekemeler, kópshilik oryndar múgedek jandar kedergisiz kirip-shyǵa alatyndaı jaǵdaı jasaǵan joq. Sondyqtan osy másele sheshimin tabý úshin búkil qoǵam atsalysýy kerek» dedi Eńbek, áleýmettik qorǵaý jáne kóshi-qon komıtetiniń Qostanaı oblysy departamentiniń basshysy Murat Muratbekov.
Murat Tilemisuly múmkindigi shekteýli jandar arasynda balalardyń kebeıýiniń baıqalatynyn, ol balalardaǵy aýrýlardyń erte anyqtalýyna da baılanysty ekenin aıtty. I-P múgedektik toptaǵy balalar sany joǵary bolyp otyr. Jyl basynan bergi segiz aıda múgedek balalardyń sany 1436 bolǵan. Jyl basynan beri 16 jasqa deıingi 221 bala múgedektik toptarǵa birinshi ret tirkelgen. Olardyń arasynda aldyńǵy oryndy psıhıkalyq aýytqý, negizinen ishten týǵan aýtızm aýrýy alady. Ekinshi oryndy ishten aýytqýshylyqpen týǵandar, úshinshi oryndy balalardyń júıke júıesiniń aýrýy, ıaǵnı sal aýrýy alady.
Názıra JÁRIMBET,
«Egemen Qazaqstan»
Qostanaı
