Halyqtyń áleýmettik jaǵdaıyn jaqsartý joldary usynyldy. Prezıdent IJО́-niń 10%-in bilim, ǵylym jáne densaýlyq saqtaý salasyna baǵyttap, buryn-sońdy bolmaǵan sheshim qabyldady. Aıtýly Joldaý áleýmettik bastamalardy júzege asyrýda «áleýmettik memleket pen ulttyq ál-aýqattyń qazaqstandyq úlgisin» qurý ıdeıasyn ári qaraı damytýǵa jol ashady.
Búginde jastarǵa ǵalamdyq ólshemmen bilim berý máseleleri strategııalyq mańyzǵa ıe. Eńbek naryǵyn qanyqtyra otyryp, onyń básekege qabilettiligin qamtamasyz etý de asa mańyzdy. Elbasynyń pikirinshe, eksportqa baǵyttalǵan ındýstrııalandyrý ekonomıkalyq saıasattyń basty elementi bolýy kerek. Osy strategııany iske asyrý úshin ekonomıkanyń ártúrli sektorlaryna jan-jaqty bilim alǵan, keleshekti keńinen oılaıtyn, otansúıgishtik qasıetke ıe jalyndy jastardy tartý asa qajet.
Memleket basshysy balamaly energetıka, bıomedısına, aýyl sharýashylyǵy, IT-tehnologııalar salasyndaǵy ǵylymı zertteýlerdi jandandyrý arqyly ekonomıkanyń ınnovasııalyq áleýetin damytýdyń mańyzdylyǵyn túsine otyryp, osy maqsatqa qosymsha 100 mlrd. teńge bóldi. Bul joǵary oqý oryndarynyń ǵylymy úshin qoldanbaly zertteýlerdi keńeıtip, olardyń nátıjelerin ekonomıkada synaqtan ótkizip, júzege asyrýǵa zor múmkindik týǵyzady.
Elbasy Úkimetke halyq densaýlyǵyn jaqsartý maqsatyndaǵy kezek kúttirmeıtin máselelerdiń oń sheshim tabýyn tapsyrdy. Salamatty ómir saltyn qalyptastyrý – densaýlyq kepili. Osy turǵyda Memleket basshysy qazaqstandyq oqýshylardyń qoǵam úshin mańyzdy densaýlyǵyna, qabiletterine jáne bolashaǵyna muqııat qaraý týraly óz oıyn bildirdi. Ár balanyń júregine jol tabý arqyly, olardyń bilim alýyna jaǵdaı týǵyzý arqyly jas óskinniń áleýetin ashýǵa bolady. Prezıdentimiz qaı kezde de ustazdar qaýymyna qoldaý tanytyp keledi, osy Joldaýda da muǵalimderdiń kásibı turǵydan shyńdalýyna basa nazar aýdardy. Aldaǵy ýaqytta Memleket basshysynyń bastamasy boıynsha «Muǵalimniń mártebesi týraly» Zań qabyldanatyn bolady, ol bul mamandyqtyń qoǵamdaǵy bedelin arttyryp, eń tájirıbeli, daryndy, ózindik kózqarasy qalyptasqan maqsatker jas mamandardyń kúshti aǵynyn qamtamasyz etedi.
Búgingi kúni jumys berýshilerdiń saýalnamasy negizindegi reıtıngtik kórsetkishter men joǵary oqý ornyn támamdaǵan túlekterdiń jumysqa ornalastyrylýyndaǵy taldaýlar ýnıversıtettiń qyzmetin baǵalaýda zor mańyzǵa ıe. Atalǵan reıtıngke bir ǵana mysal, ««Atameken» UKP jáne Qazaqstan Respýblıkasy Bilim jáne ǵylym mınıstrliginiń birlesken jumysynyń aıasynda júrgiziletin reıtıng boıynsha E.A. Bóketov atyndaǵy Qaraǵandy memlekettik ýnıversıteti Halyq sharýashylyǵy ýnıversıteti (Jańa ekonomıkalyq ýnıversıtet) jáne QBTÝ-men qatar óz mamandyqtarynyń sapasy, ózektiligi men zamanaýılyǵy boıynsha eń joǵary balldardy kórsete otyryp, qazaqstandyq joǵary bilim kóshbasshylarynyń qataryna endi. Ýnıversıtet ujymy Elbasynyń Joldaýyn basty nazarda ustaı otyryp, jumys berýshilermen qarym-qatynas jasaý arqyly túlekterdi tabysty jumysqa ornalastyrý joldaryn anyqtap, básekege qabiletti bilim berý baǵdarlamalaryn engizý arqyly qyzmettiń osy baǵytyn nyǵaıtady.
Otandyq joǵary oqý oryndary úshin Qazaqstanda tabysty jumys isteıtin ınnovasııalyq ýnıversıtetterdiń tájirıbesin jınap, qoldanýǵa múmkindik zor. Elimizdegi joǵary mekteptiń kóshin bastap turǵan Nazarbaev Ýnıversıtetimen E.A. Bóketov atyndaǵy Qaraǵandy memlekettik ýnıversıteti arasyndaǵy nátıjeli baılanys zamanaýı bilim berý tehnologııalary men baǵalaý ádisterin bilim ordamyzdyń jumys tájirıbesine engizýge múmkindik týǵyzdy. Atalǵan jumystyń oń nátıje bereri haq, bul bilimdi baǵalaýdyń obektıvtiligin arttyryp, bilim alýshylardyń ózindik jetistikterin eskere otyryp, oqý úrdisin uıymdastyrýdaǵy ashyqtyqty kórsetedi.
Prezıdenttiń bastamalary sondaı-aq, jeńildikti shaǵyn nesıe arqyly halyqtyń kásipkerlik belsendiligin damytýǵa yqpal etedi. Prezıdenttiń kredıttik qarajatty paıdalaný tıimdiligi týraly alańdaýshylyǵy tereń ekonomıkalyq taldaýǵa negizdeledi. Kóptegen jaǵdaılarda qarjy qarajattaryn tıimsiz paıdalaný sebepteri óz bıznesin uıymdastyrǵysy keletin adamdardyń kásipkerlik saýattynyń azdyǵynan oryn alady. Jastardyń kásipkerlik daǵdylaryn qalyptastyrý – «Quqyq negizderi jáne kásipkerlik» oqý páni aıasynda startap qozǵalysqa stýdentterdi tartý arqyly Qaraǵandy memlekettik ýnıversıtetimen birge sátti sheshimin tapqan mindetterdiń biri. Ýnıversıtette startap jobalarǵa qatysý arqyly mol tájirıbe jınaǵan stýdentterimiz bolashaqta óz isterin bastaıdy dep senemiz.
Prezıdent Joldaýynda qazaqstandyqtardyń ómir súrý sapasyn jaqsartý, óńirlerdiń, qalalar men aýyldardyń áleýmettik ınfraqurylymyn damytý bastamalaryna basymdylyq berilgen. Memleket azamattardyń jarqyn bolashaqqa bastaıtyn bastamalaryn qoldaýǵa daıyn. Joǵary oqý oryndary jas urpaqtyń áleýmettik jaýapkershiligin qalyptastyra otyryp, sapaly bilim berýdi basty baǵdarda ustaıdy. Elbasynyń kezekti Joldaýy da memleketimizdiń turaqty damý jolyndaǵy syndarly, sarabdal saıasatyna serpin bere otyryp, el ıgiligin eseleıdi.
Erkin KО́BEEV,
E.A. Bóketov atyndaǵy QarMÝ-dyń rektory,
Qaraǵandy oblystyq máslıhatynyń depýtaty
QARAǴANDY
