Negizinen, shaǵyn jáne orta kásipkerlikti qoldaý máselesine Elbasy erekshe toqtalyp ótti. Orta jáne shyǵyn kásipkerlikke salyqtyq jeńildikter jasaý, qarjylyq qoldaý aıasynda teńgemen nesıeler berý máseleleri kásipkerlerdiń kóńilinen shyǵyp otyrǵany anyq. Odan keıin eń tómengi eńbekaqyny 28 myńnan 42 myńǵa deıin kóterý, bul da turmysy tómen otbasylaryn qoldaýdyń bir parasy bolyp tabylady.
Joldaýdaǵy basty máselelerdiń biri – aýyl sharýashylyǵy ónimderin damytý, aýyl sharýashylyǵy ónimderin tereń óńdeý salasyn odan ári damytý. Sodan keıin, eksportqa shyǵarylatyn taýarlardyń túrin kóbeıtý, elimizdegi taýar óndirýshilerdi de, olardyń ónimderin de qoldaý máseleleri týraly da aıtyldy. Bul ekonomıkany jan-jaqty damytýǵa, elimizdiń básekege qabiletti ónim óndirý múmkindikterin ulǵaıta túsedi.
Álimjan QURTAEV,
Parlament Senatynyń depýtaty
