Alýa Joldybalına: Azamattardyń qaýipsizdigine aıryqsha mán berilip otyr

Elbasynyń bıylǵy Jol­daýy sońǵy ýaqyttarda qoǵamda eń kóp talqylanyp júrgen máselelerdi qozǵap qana qoımaı, olardy sheshýdiń naqty joldaryn usynýymen mańyzdy. Sonyń ishinde quqyq qorǵaý organdaryn jańǵyrtý týraly tapsyrmasy kópshilik kóńilinen shyqqan máseleniń biri boldy dep oılaımyn.

Jalpy, Memleket basshysy elimizdiń quqyq qorǵaý júıe­sin jańǵyrtýdy jiti nazar­da us­tap kele jatqany belgi­li. Iаǵnı, salanyń jańǵyrýy kesheli-búgin emes, ilgeride bastalǵan reformalar júzege asty. Máselen, 2011 jyly Ishki ister mınıstrligi­niń min­detine kirmeıtin keıbir medı­sınalyq, halyqqa qyzmet etý ortalyqtary jáne basqa da qyz­met túrlerin Ádilet jáne Den­saýlyq saqtaý mınıstr­­­­lik­teriniń quzyretine bergen edi. Bul jumystar tizbegi áli de jalǵasýda.

Ekinshi bir aıta ketetin jaıt, ishki ister qurylymynyń ózger­tilýi. Joldaýda Prezıdent erek­she toqtalyp ótken taǵy bir másele – polısııa qyz­met­keriniń standarty jáne onyń jumysynyń tıimdiligin baǵalaý. Olardyń laýazymyn ósirý, attestasııadan ótkizý jáne bas­qalary bul saladaǵy ilgeri­leýshilikterge negiz bolýy tıis. 

Kezekti Joldaýdyń qazaq­stan­dyqtardyń ál-aýqatyn ósirý­ge baǵyttalǵanyna taǵy bir márte kýá boldyq. Onda aza­mat­tarymyzdyń ál-aýqatyn, tabysyn qorǵaý úshin qaýipsizdik sala­syna da erekshe mán beril­di. Al qaýipsizdik polısııa qyzmetkeriniń kásibı deńgeıine baılanysty ekeni aqıqat. Sol sebepti Elbasy polısııa qyz­metkeriniń deńgeıin ósirýge mán berý arqyly, qoǵamdaǵy ózekti máseleni dóp basyp otyr. Mu­nyń barlyǵy qoǵamdaǵy árbir másele, ony sheshý joldary árdaıym Elbasynyń nazarynda ekenin baıqatady.

Alýa JOLDYBALINA,

Qazaqstan Respýblıkasy Prezıdenti janyndaǵy strategııalyq zertteýler ınstıtýtynyń bólim basshysy