Biz jasy ulǵaıǵan adamdar jumystan qalǵannan bergi ermegimiz – jańalyq tyńdaý, serigimiz – radıo, teledıdar, merzimdik basylymdar.
Búgin teledıdardan Elbasymyz Nursultan Nazarbaevtyń Qazaqstan halqyna dástúrli Joldaýyn úlken qanaǵattanarlyq sezimde otyryp tyńdadym.
Elbasy el ahýalyna qysqasha toqtala kelip, mindetterdi keń saralap berdi.
Bıylǵy Joldaýdyń ereksheligi – halyqtyń turmys sapasyn jaqsartýǵa, áleýmettik máselelerge erekshe basymdyq berildi.
Aldaǵy jyldan bastap eńbek adamdarynyń jalaqysy ósetin boldy. Shaǵyn jáne orta kásipkerlikti damyta berý, básekelestikti kúsheıte túsý, osy salany qoldaý men qorǵaý máselelerine toqtaldy.
Maǵan unaǵan másele – óz ónimderimizdi sapaly óndirip, álemdik saýdaǵa shyǵarýǵa basymdyq bergeni boldy. Álem naryǵyna óz ónimimiz kóbirek shyqsa, soǵurlym basqa el taýaryna táýeldigimiz azaıady. Ol el turmysynyń jaqsarýyna oń áser etedi.
Sol sııaqty, transport qyzmetin, týrızmdi damytýǵa, ınnovasııalyq damýdyń mańyzyna basa nazar aýdardy.
Bilim men densaýlyq salasyna da úlken mán berip, naqty mindetterdi belgiledi.
Jol, halyqty baspanamen qamtý, quqyq qorǵaý organdary men memlekettik qyzmet isin jetildirý de qalys qalǵan joq.
Qysqasy, Elbasymyzdyń bıylǵy Joldaýy el úshin asa qundy qujat, ony halyq tolyq qýattaıdy dep senemin.
Arystanǵalı QOIYSOV,
soǵys jáne eńbek ardageri
Batys Qazaqstan oblysy, Jańaqala aýdany
