Ákimniń aıtýynsha, qazirgi Joldaýdyń mańyzy men qujattyń mazmuny, ázirlengen jáne salystyra tekserilgen baǵdarlamalyq qujattar - «Qazaqstan – 2050» strategııasy, «Nurly jol» jáne «100 naqty qadam» Ult josparynyń logıkalyq jalǵasy bola bildi.
«El Prezıdenti Nursultan Nazarbaev azamattardyń áleýmettik jaǵdaıy men ómir sapasy, qoǵam damýyn jaqsartý boıynsha jasalatyn sharalardyń aýqymyn teńdesi joq etip kórsetti. Árbir pýnkt Qazaqstannyń qarqyndy damýy úshin irgetasy bolyp qalandy, onyń iske asyrylýy bizge álemdegi damyǵan 30 eldiń qataryna kirýimizge múmkindik beredi. Memleket basshysy aıtqan mindet 11 qyrkúıekte qala aktıvimen bolǵan kezdesýde aıtylǵan maqsattarmen tyǵyz baılanysty. Sondaı-aq qalany damytýdyń jańa úlgisin engizý men jaıly orta jasaý úshin ınnovasııany ilgeriletip, kreatıvti adamdar sanyn ósirý», - dedi B. Sultanov.
Kezdesýde qatysýshylar Prezıdenttiń jańa qujatyndaǵy barlyq salaǵa qatystyny talqylady. Onyń ishinde «7-20-25» aýqymdy baǵdarlamasyn iske asyrý boıynsha baspana máselesi aıtyldy, onyń aıasynda B. Sultanovtyń aıtýynsha taıaý bes jylda 100 myńnan astam azamat baspanaǵa qol jetkize alady.
Qala aktıvi sonymen qatar astanadaǵy bıznes klımat máselesin de qozǵaı ketti. Iske asyrylyp jatqan jobalar týraly «Damý» kásipkerlerdi damytý qorynyń astanadaǵy fılıalynyń dırektory baıandady. Al densaýlyq saqtaý jáne bilim salasyndaǵy qyzmet kórsetýdiń sapasyn elordalyq mektep pen bala baqsha meńgerýshileri aıtty.
Astana ákimi B. Sultanov árbir salanyń iske asyrylýy mańyzdy ekenine toqtaldy. Ásirese, densaýlyq saqtaý obektileri sııaqty mekemelerdi qoljetimdi túrde qamtamasyz etýdi tapsyrdy jáne de aýlalardy jáne ishki kvartaldardyń terrıtorııasyn abattandyrýdy da pysyqtady.
Esterińizge sala keteıik, Qazaqstan halqyna Joldaýyn Nursultan Nazarbaev 5 qazan kúni jarııa etti. Onda negizgi taqyryptar qazaqstandyqtardyń turǵyn úı, bilim, densaýlyq, shaǵyn jáne orta bızneske (ShOB) kómektesý máselelerin sheshý boldy.
