Aımaqtar • 09 Qazan, 2018

Kýrchatovta halyqaralyq FNCA semınary bastaldy

238 retkórsetildi

​​​​​Aldaǵy ýaqytta aýyl sharýashylyǵynda da radıasııalyq tehnologııalardy paıdalanýǵa bolady. Osyǵan oraı Kýrchatovta aýyl sharýashylyǵy, qorshaǵan orta jáne medısınaǵa arnalǵan polımerlik materıaldardy radıasııalyq óńdeý jáne túrlendirý jónindegi halyqaralyq FNCA semınary ótip jatyr.

QR Ulttyq ıadrolyq ortalyǵy men Iаdrolyq tehnologııalar parki AQ negizindegi uıymdastyrylyp otyrǵan halyqaralyq FNCA semınary barysynda 5 kún boıy aýyl sharýashylyǵy, qorshaǵan orta jáne medısınaǵa arnalǵan polımerlik materıaldardy radıasııalyq óńdeý jáne túrlendirý máseleleri qarastyrylatyn bolady.

-Semınar jumysyna FNCA-ge qatysatyn 10 eldiń – Bangladesh, Qytaı, Indonezııa, Japonııa, Qazaqstan, Malaızııa, Monǵolııa, Fılıppın, Taıland jáne Vetnam elderiniń ókilderi qatysýda,-dedi Ulttyq Iаdrolyq Ortalyqtyń bas dırektora Erlan Batyrbekov,-bul taqyryptaǵy semınar Qazaqstanda ekinshi ret ótkizilýde. О́tken jolǵy semınar 2012 jyly “Electron Accelerator Application Project” taqyryby boıynsha Almaty qalasyndaǵy Iаdrolyq fızıka ınstıtýtynda ótkizilgen bolatyn.        

Aıta ketý kerek, Azııadaǵy Iаdrolyq kooperasııa forýmy Azııa óńirin damytýdaǵy mańyzy zor joba. Bas dırektor Erlan Batyrbekovtyń aıtýynsha: «Semınar jumysy eń aldymen ıadrolyq tehnologııalardy qoldanýdy, ıadrolyq qaýipsizdik salasynda tájirıbe almasýdy damytýǵa yqpal etý arqyly ıadrolyq qyzmetpen baılanysty ózekti problemalardy sheshý tásilderin ázirleýge baǵyttalmaq.        

Qazaqstanda kóptegen údetkishter bar. Olar polımerlerdi radıasııalyq biriktirý, medısınalyq buıymdardy radıasııalyq óńdeý, trektik membranalardy óndirý jáne taǵy basqa úshin qoldanylady.   

Qazirgi zaman talabyna saı údetkishter ekonomıkanyń kóptegen salalarynda paıdalanylady, bul kúndelikti ómir súrý sapasyn joǵarylatýdy qamtamasyz etedi ári qorshaǵan orta úshin qaýipsiz bolyp qala bermek. Sondyqtan jobanyń taqyryby Qazaqstan úshin de, sol sııaqty barsha álem úshin de joǵary basymdy bolyp tabylady.    

Semınar 8 – 12 qazan aralyǵynda ótkizilip jatyr.  Semınar barysynda ázirlengen usynymdar tájirıbede suranysqa ıe bolmaq jáne aýyl sharýashylyǵynyń ártúrli salalarynda radıasııalyq tehnologııalardy paıdalaný jónindegi keleshek jobalardy iske asyrdyýń negizi bolyp sanalady.

Raýshan QABJANQYZY

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar