TО́P kezinde kompanııa mamandary júıeniń jumysqa qabilettiligin jáne baptaýlarynyń tehnıkalyq talaptarǵa sáıkes bolýyn tekseredi. Anyqtalǵan barlyq aqaýlar men qatelikter jóndeledi jáne aǵymdaǵy jyldyń sońynda júıe tıimdi paıdalanýǵa berýge daıyn bolady.
Bıllıngtik júıe «KEGOC» AQ «Júıelik qyzmetterdi kórsetý prosesterin jetildirý» transformasııa jobasynyń sheńberinde engiziledi. 2018 jyldyń sońyna deıin jobany iske asyrýdyń barlyq kezeńine sanalǵan kúrdeli salymdar 138 mln.teńgeni quraıdy.
Kompanııa fılıaldaryndaǵy TО́P-pen birge QR elektr energııasynyń kóterme saýda naryǵy (EKN) sýbektilerin (KEGOC tutynýshylary) Bıllıngtik júıedegi klıenttiń «Jeke kabınetinde» jumys isteýge úıretý boıynsha oqytý bastaldy. Olar qosymshanyń qyzmetimen tanystyrylady jáne Bıllıngti qosý kezeńinde júıede jumys isteýge daıyn bolady.
Astanada ótken QR EKN sýbektileriniń ókilderimen kezdesýde Bıllıngtik júıeni endirý boıynsha joba basshysy Jánibek Qýanyshbaev atap ótkendeı kompanııa klıentteri úshin júıede jumys isteýdiń artyqshylyqtary aıqyn.
«Esep júrgizý úshin aǵymdaǵy jáne tarıhı derekterdiń qol jetimdiligi, onlaın rejıminde qyzmetterge aqy tóleý shottaryn usyný jáne taǵy basqalary ýaqytty únemdeýge sebep bolady. Sonymen qatar elektr energııasyn esepke alaý qurylǵylarynan derekterdi júıege tikeleı jiberý prosesterin biriktirý adamı faktordy joıady, nátıjesinde ózara esep aıyrysý rásiminiń tıimdiligi men aıqyndyǵyn arttyrady», - dep túsindirdi ol.
Engiziletin ózgeristerdiń aýqymy boıynsha «KEGOC» AQ-daǵy Bıllıngtik júıeni ámbebep dep ataýǵa bolady. Jańa júıe engizilgennen bastap tutynýshylar, ıaǵnı energııa naryǵynyń 280 sýbektisi «Jeke kabınet» arqyly tutyný, sharttar týraly jańa aqparat, tólem jáne óteý týraly, esep aıyrysý kezeńi boıynsha málimetter jáne taǵy basqalary týraly derekterdi engizýge qol jetkizedi.
